Mauksch-Hintz-huis
Die Mauksch-Hintz-huis (in Roemeens Casa Mauksch-Hintz, in Hongaars Mauksch-Hintz-ház, in Duits Mauksch-Hintz-Haus) is 'n histories gebou op die Hoofplein van die Roemeense stad Cluj-Napoca. In die huis het die stad se eerste apteek in 1573 geopen. Vandag is die gebou 'n gelyste histories gebou en dien as 'n apteekmuseum.
Geskiedenis[wysig | wysig bron]
Geleë op die Hoofplein van die voormalige Transsilvaniese hoofstad, die gebou huisves die oudste apteek van die stad. Die apteek is in 1573 gestig en was tot 1735 die enigste apteek in Klausenburg (Cluj se historiese Duitse naam). Dit is vir meer as 'n eeu deur administrateurs (in Duits Provisorien) bestuur Hierdie Provisoren is deur die stadsraad verkies en het sake in die naam van die stad en op sy rekening behartig. Die stad het die apteek in 1700 'n Duitse apteker verkoop, in 1749 kom die huis en die apteek in die besit van die apteker Tobias Mauksch (1727–1802) en verkry keiserlike voorreg van die Oostenrykse keiser (Transsilvanië was deel van die Keiserryk Oostenryk in daardie tyd). In 1863 kom die huis en die apteek in die besit van 'n andere Transielvanis-Duitse aptekerfamilie, die familie Hintz. Hierdie familie is een van die rykste en mees aktiewe familien in die sosiale lewe van Klausenburg in die eerste helfte van die 20ste eeu. Die apteek het in hierdie tydperk die naam "Sankt Georg" gedra.
In 1948 het die kommunistiese regering die huis sonder vergoeding onteien en die apteek gesluit. In 1954 het 'n historikus van medisyne en aptekerswese 'n apteekmuseum in die gebou gestig. As gevolg van politieke probleme tydens die Nicolae Ceaușescu-diktatuur, het die afstammelinge van die Hintz-familie na Wes-Duitsland en na Kanada geëmigreer. Ná die politieke verandering in 1989 het hulle aansoek gedoen om die eiendom terug te gee. Die familie het die gebou van die Roemeniese staat in 2010 terugbekom.[1]