Transsilvanië

in Wikipedia, die vrye ensiklopedie
Spring na: navigasie, soek
Transsilvanië
Transilvania/Ardeal
’n Deel van die stad Cluj-Napoca wat van die 17de eeu dateer.
’n Deel van die stad Cluj-Napoca wat van die 17de eeu dateer.
Vlag van Transsilvanië
Vlag
Wapen van Transsilvanië
Wapen
Transsilvanië se ligging in Roemenië
Transsilvanië se ligging in Roemenië
Koördinate: 46°46′0″N 23°35′0″O / 46.76667°N 23.58333°O / 46.76667; 23.58333Koördinate: 46°46′0″N 23°35′0″O / 46.76667°N 23.58333°O / 46.76667; 23.58333
Land Vlag van Roemenië Roemenië
Oppervlak
 - Historiese streek 102 834 km²  (39 704 vk m)
Bevolking (2011)
 - Historiese streek 7 309 291
 - Digtheid 71/km² (180/vk m)
Tydsone OET (UTC+02:00)
 - Somer (DST) OEST (UTC+03:00)

Transsilvanië is ’n historiese streek in wat vandag die sentrale deel van Roemenië is. Dit word in die ooste en suide deur die Karpate begrens; in die weste strek die historiese Transsilvanië tot by die Apusenibergreeks. Die term sluit ook soms die historiese streke Crișana, Maramureș en die Roemeense deel van Banat in.

Die streek is bekend vir die natuurskoon van die Karpate en sy ryk geskiedenis. Dit sluit ook groot stede soos Cluj-Napoca, Brașov en Sibiu in.

In die Engelssprekende wêreld word Transsilvanië verbind met vampiere, hoofsaaklik vanweë die invloed van Bram Stoker se bekende boek Dracula sowel as baie latere rolprentweergawes daarvan.[1][2][3]

Etimologie[wysig | wysig bron]

In Roemeens is die streek bekend as Ardeal of Transilvania; in Hongaars as Erdély; in Duits as Siebenbürgen of Transsilvanien; in Latyn as Transsilvania en in Turks as Transilvanya, maar histories as Erdel of Erdehstan.

  • Daar is in 1075 die eerste na Transsilvanië verwys in ’n Middeleeuse Latyns dokument – as ultra silvam ("anderkant die woud"). Transsilvania beteken dieselfde in Latyn, net met ’n ander voorvoegsel. Volgens Hongaarse historici kom die aanvanklike Latynse naam, Ultrasylvania, direk van die Hongaarse Erdő-elve.[4] Dié naam is ook vroeër in Duits (Überwald, 13de tot 14de eeu) en Oekraïens (Залісся, Zalissia) gebruik.
  • Die Duitse naam Siebenbürgen beteken "sewe forte", na aanleiding van die sewe stede van die (etnies Duitse) Transsilvaniese Saksers in die streek. Dit is ook die bron van Transsilvanië se naam in verskeie ander tale, soos Bulgaars (Седмиградско, Sedmigradsko, Pools (Siedmiogród) en moderne Oekraïens (Семигород, Semyhorod).
  • Die Hongaarse naam Erdély is die eerste keer in die 12de eeu gebruik as Erdeuleu (in moderne skrif Erdőelü) of Erdő-elve. Die woord erdő beteken "woud" en elve dui ’n streek aan. Erdel, Erdil, Erdehstan en verskeie ander name is hieraan ontleen.
  • Die eerste bekende geskrif waarin die Roemeense naam Ardeal voorkom, is in 1432 (Ardeliu gespel).[5]

Verwysings[wysig | wysig bron]

  1. "Transylvania Society of Dracula Information". Afn.org. 29 Mei 1995. Verkry op 30 Julie 2012. 
  2. "Travel Advisory; Lure of Dracula In Transylvania". The New York Times. 22 Augustus 1993. 
  3. "Romania Transylvania". Icromania.com. 15 April 2007. Verkry op 30 Julie 2012. 
  4. Engel, Pál (2001). Realm of St. Stephen: History of Medieval Hungary, 895–1526 (International Library of Historical Studies), bl. 24, Londen: I.B. Taurus. ISBN 1-86064-061-3
  5. Pascu, Ștefan (1972). “Voievodatul Transilvaniei” I.

Eksterne skakels[wysig | wysig bron]