Mendocino, Kalifornië

in Wikipedia, die vrye ensiklopedie
Jump to navigation Jump to search
Mendocino
Mendocino se Presbiteriaanse kerk
Mendocino se Presbiteriaanse kerk
Ligging van Mendocino in Kalifornië
Ligging van Mendocino in Kalifornië
Koördinate: 39°18′28″N 123°47′58″W / 39.30778°N 123.79944°W / 39.30778; -123.79944Koördinate: 39°18′28″N 123°47′58″W / 39.30778°N 123.79944°W / 39.30778; -123.79944
Land Vlag van Verenigde State van Amerika Verenigde State
Deelstaat Kalifornië
County Mendocino County
Gestig in 1850
Oppervlak
 - Nie-geïnkorporeerde nedersetting 19,22 km²  (7,42 vk m)
 - Land 5,85 km² (2,26 vk m)
 - Water 13,37 km² (5,16 vk m)  69.58%
Hoogte 47 m (154 vt)
Bevolking (2010)
 - Nie-geïnkorporeerde nedersetting 894
 - Digtheid 120/km² (47/vk m)
Tydsone PST (UTC-08:00)
 - Somer (DST) PDT (UTC-07:00)
ZIP-kode 95460
Skakelkode(s) 707 (telefoonsentrale: 937)

Mendocino (vroeër bekend as Big River, Meiggstown en Mendocino City) is 'n nie-geïnkorporeerde nedersetting aan die noordkus van die Amerikaanse deelstaat Kalifornië, met 'n bevolking wat in die sensus van 2010 as 894 vasgestel is. Mendocino, wat administratief aan die gelyknamige distrik (Mendocino County) behoort, is 9,5 myl of 15 km suid van Fort Bragg geleë en genoem na die nabygeleë Kaap Mendocino. Die kaap is deur vroeë Spaanse seevaarders ter ere van die vise-koning van Nieu-Spanje, Antonio de Mendoza, so genoem.

Mendocino het ondanks sy klein sieletal bekendheid verwerf as 'n kunstenaarskolonie en strandoord, geleë op 'n landpunt wat volledig deur die waters van die Stille Oseaan omring word. Die nedersetting se voorkoms en boukuns weerspieël die herkoms van sy stigters - oorspronklik is dit gestig om houtkappers uit Nieu-Engeland te huisves. Baie werkers in diens van Noord-Kaliforniese houtmaatskappye het in die 19de eeu vanuit die ooskus na die boomryke streek gemigreer. Enkele spoorweë en klein hawegeriewe het ontstaan vanwaar hout vir verdere bewerking na San Francisco en San Diego verskeep is. Tans is toerisme 'n belangrike bron van inkomste.