Menslike penisgrootte

in Wikipedia, die vrye ensiklopedie
Die verspreiding van penislengtes. 45% van stywe penisse is tussen 12 en 14 cm lank.[1]
Die verspreiding van penisomtrekke. 81% van stywe penisse (groen) is tussen 10 en 13 cm in omtrek.[1]
Persentasies van penislengtes.[1]
Persentasies van penisomtrekke.[1]
'n Diagram wat wys hoe om die lengte en omtrek van die stywe menslike penis te meet.
'n Menslike penis wanneer dit slap en styf is.

Menslike penisse verskil in grootte wat verskeie mates betref, insluitende lengte en omtrek wanneer dit slap en styf is. Benewens die natuurlike variasies van menslike penisse oor die algemeen, is daar faktore wat lei tot variasies in 'n spesifieke man, soos die vlak van seksuele prikkeling, die tyd van die dag, temperatuur, angstigheidsvlak, fisieke aktiwiteit en gereeldheid van seksuele aktiwiteit. In vergelyking met die penisse van ander primate, insluitende die groot spesies soos die gorilla, is die menslike penis die dikste, beide in absolute terme en in verhouding met die res van die lyf.

Die groei van die menslike penis geskied in twee fases: eerstens tussen die babastadium en die ouderdom van vyf jaar, en dan tussen die ouderdomme van een jaar ná die begin van puberteit en op die laatste 17 jaar.[2]

Mates wissel grootliks. Studies wat mans hulle eie penisse laat meet, meld 'n aansienlik groter gemiddelde op as wanneer penisse professioneel gemeet word. In 2015 is in 'n studie met 15 521 mans wat deur professionele gesondheidswerkers gemeet is, bevind die gemiddelde stywe penis is 13,12 cm (5,17 duim) lank, terwyl die gemiddelde omtrek 11,66 cm (4,59 duim) is.[1] In 'n soortgelyke studie in 1996 is bevind die gemiddelde lengte van 'n slap penis is 8,9 cm (3,5 duim).[3] Die grootte van 'n slap penis is soms nie 'n goeie aanduiding van die grootte van die stywe penis nie.

'n Volwasse penis wat abnormaal klein, maar andersins normaal is, word in die mediese wêreld 'n "mikropenis" genoem. Die perk is sowat 7,6 cm (3 duim).

'n Beperkte tot geen aansienlike verhouding tussen penisgrootte en die grootte van ander liggamsdele is in navorsing gevind.

Studies[wysig | wysig bron]

Hoewel resultate effens van studie tot studie wissel, is die konsensus dat die gemiddelde stywe menslike penis in die omtrek van 12,9 tot 15 cm lank is.[3][4][5]

'n Studie in 2015 wat deur Veale et al. gepubliseer is en geskoei is op navorsing die vorige 30 jaar, waarvan die resultate in BJU International gepubliseer is, dui op soortgelyke lengtes wanneer die penis slap, slap en gerek, en styf is: onderskeidelik 9,16 cm, 13,24 cm en 13,12 cm. Die gemiddelde omtrek wanneer die penis slap en styf is, is onderskeidelik 9,31 cm en 11,66 cm.[1]

Grootte by geboorte[wysig | wysig bron]

Die gemiddelde gerekte penis by geboorte is sowat 4 cm, en 90% van pasgebore seuns sal tussen 2,4 en 5,5 cm wees. 'n Beperkte penisgroei vind plaas tussen geboorte en vyf jaar oud, maar baie min groei tussen vyf jaar en die begin van puberteit. Die gemiddelde grootte aan die begin van puberteit is 6 cm, terwyl 'n volwasse grootte sowat vyf jaar later bereik word. W.A. Schonfeld het in 1943 'n kurwe van penisgroei gepubliseer.[6]

Grootte en veroudering[wysig | wysig bron]

Ouderdom raak vermoedelik nie penisgrootte nie. "Individuele navorsingstudies het ... gesuggereer dat penisgrootte kleiner is in studies met ouer mans, maar Wylie en Eardley het geen verskille gevind in verskeie studies [oor 'n tdperk van 60 jaar] nie."[7]

Grootte en menslike lengte[wysig | wysig bron]

In 'n beoordeling in 2015 van geskrifte oor die onderwerp is twee studies gevind wat tot die gevolgtrekking gekom het daar is 'n effense verband tussen die persoon se lengte en die lengte van die gerekte en slap penis, sewe studies wat 'n baie klein verband gevind het tussen die persoon se lengte en die lengte van die slap, gerekte en stywe penis, en twee studies wat geen verband gevind het tussen die persoon se lengte en die lengte van die slap penis nie.[1]

Grootte en hande[wysig | wysig bron]

Een studie wat die verhouding ondersoek het tussen die lengte van die vingers en dié van die penis, het bevind mans wie se ringvingers effens langer as hulle wysvingers is, het effens langer penisse.[8][9] Die algemene wanindruk dat handgrootte 'n aanduiding van die penisgrootte is, is wyd onder verdenking geplaas.[10][11]

Grootte en ander liggaamsdele[wysig | wysig bron]

In een stydie in 1988 het Siminoski en Bain bevind daar is 'n klein verband tussen die grootte van die gerekte penis en die grootte en lengte van die voete; die verskil was egter te klein om as 'n praktiese aanduiding te gebruik.[12] In 'n ander studie in 2002 deur Shah en Christopher, wat Siminoski en Bain aangehaal het, is bevind daar is geen verband tussen skoengrootte en die grootte van die gerekte penis nie. Hulle gevolgtrekking: "Die veronderstelde verband tussen penislengte en skoengrootte het geen wetenskaplike basis nie."[13][14]

In 'n studie in 2021 het Ikegaya et al. bevind daar is 'n groot verband tussen die gerekte penislengte en die grootte van die neus onder Japannese manlike kadawers.[15]

Grootte, ras en etnisiteit[wysig | wysig bron]

Beweerde verskille in rasse het gelei tot die skepping van seksuele mites.

'n Studie in 2005 het bevind "daar is geen wetenskaplike agtergrond wat die beweerde 'oorgroot' penis van swart mans bevestig nie".[16]

'n Studie met 253 mans van Tanzanië het bevind die lengte van die gemiddelde gerekte slap penis van Tanzaniese mans is 11,5 cm, effens kleiner as die wêreldwye gemiddelde. Die gemiddelde stywe penis was 13,24 cm lank.[17]

'n Studie in 2014 wat van 2011 tot 2013 onder 5 196 Chinese mans gedoen is, het bevind die gemiddelde slap, ongerekte penis is 6,55 cm lank en die gemiddelde stywe penis 12,9 cm. Hulle het gesê hulle het "ook bevind penisdimensies verskil van etnisiteit tot etnisiteit, maar verdere ondersoek is nodig om dit te bevestig". Hulle het egter bedoel die verskillende etnisiteite in die Chinese bevolking.[18]

'n Studie in 2016 onder 248 Koreaanse mans het bevind hulle stywe penisse is gemiddeld 13,53 cm.[19]

'n Studie onder 115 mans van Nigerië het bevind die gemiddelde lengte van die slap, gerekte penis is 13,37 cm, wat byna identies aan die wêreldwye gemiddelde is. Die gemiddelde stywe penis was 13,12 cm lank.[20]

In 'n Amerikaanse studie in 2014 deur Herbenick et al. onder 1 661 seksueel aktiewe mans in die Asiatiese, swart, wit, Hawaise en inheemse Amrikaanse bevolkings, is bevind die verskil in die lengte van stywe penisse onder die rasse is minder as 1 cm. Die lengtes was onderskeidelik 14,14 cm, 14,66 cm, 12,25 cm, 14,18 cm, 14,88 cm en 12,86 cm.[21]

'n Stelselmatige oorsig in 2015 van 15 521 mans het bevind daar is "geen aanduiding van verskille onder rasse" nie. Die ondersoekers het gesê dit is onmoontlik om uit die beskikbare geskrifte tot enige gevolgtrekkig te kom oor grootte en ras, en dat verdere ondersoeke nodig is.[1]

Voorkeur onder seksmaats[wysig | wysig bron]

In 'n voorbladartikel in 1994 in Psychology Today[22][23] is 1 500 lesers (van wie sowat twee derdes vroue was) ondervra oor die manlike liggaamsbeeld. Baie van die vroue was nie juis gepla oor penisgrootte nie, en meer as 71% het gedink mans lê te veel klem op penisgrootte en -vorm. Die vroue het meer omgegee oor die omtrek as oor die lengte as wat mans gedink het.

In 'n klein studie deur die University of Texas–Pan American wat in 2001 in BMC Women's Health gepubliseer is, is 50 voorgraadse vrouestudente deur twee gewilde manlike atlete op die kompus ondervra oor hulle waarnemings van seksuele bevrediging. Die gevolgtrekking was dat die breedte van die penis beter voel as die lengte.[24]

In 'n studie in 2002 deur die Groningen-universiteitshospitaal is 375 seksueel aktiewe vroue (wat kort tevore die lewe geskenk het) ondervra oor die belangrikheid van penisgrootte. Van die vroue het 21% gevoel lengte is belangrik en 32% het gevoel omtrek is belangrik.[25]

'n Amerikaanse studie onder 75 vroue wat in 2015 gepubliseer is en 3D- gedrukte modelle as skaalverwysings gebruik het, het getoon die verkose penislengte is 16 cm en die verkose omtrek 12,2 cm vir langtermynseksmaats. 'n Effens groter lengte van 16,3 cm en omtrek van 12,7 cm was verkieslik vir eenmalige seks.[26]

Verwysings[wysig | wysig bron]

  1. ↑ 1,0 1,1 1,2 1,3 1,4 1,5 1,6 1,7 Veale, David; Miles, Sarah; Bramley, Sally; Muir, Gordon; Hodsoll, John (Junie 2015). "Am I normal? A systematic review and construction of nomograms for flaccid and erect penis length and circumference in up to 15 521 men: Nomograms for flaccid/erect penis length and circumference". BJU International. 115 (6): 978–986. doi:10.1111/bju.13010. PMID 25487360.
  2. ↑ Stang, Jamie; Story, Mary (2005). "Ch. 1. Adolescent Growth and Development" (PDF). In Stang J, Story M (red.). Guidelines for Adolescent Nutrition Services. University of Minnesota. p. 3. Besoek op 26 November 2012.
  3. ↑ 3,0 3,1 Wessells, Hunter; Lue, Tom F; McAninch, Jack W (1996). "Penile Length in the Flaccid and Erect States: Guidelines for Penile Augmentation". The Journal of Urology. 156 (3): 995–7. doi:10.1016/S0022-5347(01)65682-9. PMID 8709382.
  4. ↑ Chen, J; Gefen, A; Greenstein, A; Matzkin, H; Elad, D (2001). "Predicting penile size during erection". International Journal of Impotence Research. 12 (6): 328–33. doi:10.1038/sj.ijir.3900627. PMID 11416836.
  5. ↑ "ANSELL RESEARCH – The Penis Size Survey". Ansell. Maart 2001. Besoek op 13 Julie 2006.
  6. ↑ Schonfeld, William A (1943). "Primary and Secondary Sexual Characteristics". American Journal of Diseases of Children. 65 (4): 535. doi:10.1001/archpedi.1943.02010160019003.
  7. ↑ Wylie, Kevan R; Eardley, Ian (2007). "Penile size and the 'small penis syndrome'". BJU International. 99 (6): 1449–55. doi:10.1111/j.1464-410X.2007.06806.x. PMID 17355371.
  8. ↑ "The secrets of the male hand". cnn.com. Geargiveer vanaf die oorspronklike op 22 Maart 2022. Besoek op 8 Desember 2023.
  9. ↑ Choi, In Ho; Kim, Khae Hawn; Jung, Han; Yoon, Sang Jin; Kim, Soo Woong; Kim, Tae Beom (September 2011). "Second to fourth digit ratio: a predictor of adult penile length". Asian J Androl. 3 (5): 710–714. doi:10.1038/aja.2011.75. PMC 3739592. PMID 21725330.
  10. ↑ Christensen, Jen (8 Maart 2016). "Trump: Do small hands equal small penis, or a myth?". CNN.
  11. ↑ II, Thomas H. Maugh (4 Julie 2011). "Judging penis size by comparing index, ring fingers". Los Angeles Times.
  12. ↑ Siminoski, Kerry; Bain, Jerald (1988). "The relationships among height, penile length, and foot size". Annals of Sex Research. 6 (3): 231–235. doi:10.1007/BF00849563. S2CID 198915780.
  13. ↑ Shah, J; Christopher, N (2002). "Can shoe size predict penile length?". BJU International. 90 (6): 586–587. doi:10.1046/j.1464-410X.2002.02974.x. PMID 12230622. S2CID 20887458.
  14. ↑ Cecil, Adams (26 Augustus 2003). "The size of things to come". The Straight Dope. Geargiveer vanaf die oorspronklike op 16 Desember 2008. Besoek op 5 Augustus 2006.
  15. ↑ Ikegaya, Hiroshi; Suzuki, Motofumi; Kondou, Hiroki; Kawai, Taketo; Sato, Yusuke; Kitamura, Tadaichi; Kume, Haruki (4 Februarie 2021). "Nose size indicates maximum penile length". Basic and Clinical Andrology. 31 (1): 3. doi:10.1186/s12610-021-00121-z. PMC 7860195. PMID 33535970. Besoek op 28 Junie 2022.
  16. ↑ Mondaini, Nicola; Gontero, Paolo (2005). "Idiopathic short penis: Myth or reality?". BJU International. 95 (1): 8–9. doi:10.1111/j.1464-410X.2005.05238.x. PMID 15638885.
  17. ↑ Chrouser, Kristin; Bazant, Eva; Jin, Linda; Kileo, Baldwin; Plotkin, Marya; Adamu, Tigistu; Curran, Kelly; Koshuma, Sifuni (Augustus 2013). "Penile Measurements in Tanzanian Males: Guiding Circumcision Device Design and Supply Forecasting". Journal of Urology. 190 (2): 544–550. CiteSeerX 10.1.1.963.3280. doi:10.1016/j.juro.2013.02.3200. PMID 23473900.
  18. ↑ Chen, X B; Dai, R X; Li, H N; Yang, J C (April 2014). "A comprehensive, prospective study of penile dimensions in Chinese men of multiple ethnicities". International Journal of Impotence Research. 26 (2): 172–176. doi:10.1038/ijir.2014.9. PMID 24784891. S2CID 6468136.
  19. ↑ Park, Jong Kwan; Doo, A. Ram; Kim, Joo Heung; Park, Hyung Sub; Do, Jung Mo; Choi, Hwang; Park, Seung Chol; Kim, Myung Ki; Jeong, Young Beom; Kim, Hyung Jim; Kim, Young Gon; Shin, Yu Seob (13 September 2016). "Prospective investigation of penile length with newborn male circumcision and second to fourth digit ratio". Canadian Urological Association Journal. 10 (9–10): E296–E299. doi:10.5489/cuaj.3590. PMC 5028213. PMID 27695583.
  20. ↑ Orakwe, J C; Ogbuagu, B O; Ebuh, G U (29 Augustus 2007). "Can physique and gluteal size predict penile length in adult Nigerian men?". West African Journal of Medicine. 25 (3): 223–225. doi:10.4314/wajm.v25i3.28282. PMID 17191423.
  21. ↑ Herbenick, Debby; Reece, Michael; Schick, Vanessa; Sanders, Stephanie A. (Januarie 2014). "Erect Penile Length and Circumference Dimensions of 1,661 Sexually Active Men in the United States". The Journal of Sexual Medicine. 11 (1): 93–101. doi:10.1111/jsm.12244. PMID 23841855. S2CID 9498368.
  22. ↑ Michael Pertschuk; Alice Trisdorfer. "Men's bodies—the survey". Psychology Today. Besoek op 17 Julie 2007.
  23. ↑ Jill Neimark. "The beefcaking of America". Psychology Today Nov–Dec 1994. Besoek op 24 Junie 2022.
  24. ↑ Eisenman, Russell (2001). "Penis size: Survey of female perceptions of sexual satisfaction". BMC Women's Health. 1 (1): 1. doi:10.1186/1472-6874-1-1. PMC 33342. PMID 11415468.
  25. ↑ Francken, A.B; Van De Wiel, H.B.M; Van Driel, M.F; Weijmar Schultz, W.C.M (2002). "What Importance Do Women Attribute to the Size of the Penis?" (PDF). European Urology. 42 (5): 426–31. doi:10.1016/S0302-2838(02)00396-2. hdl:11370/c999b218-0b41-4410-a30a-d8b20f5d4e54. PMID 12429149. S2CID 206054651.
  26. ↑ Prause, Nicole; Park, Jaymie; Leung, Shannon; Miller, Geoffrey (2015). "Women's Preferences for Penis Size: A New Research Method Using Selection among 3D Models". PLOS ONE. 10 (9): e0133079. Bibcode:2015PLoSO..1033079P. doi:10.1371/journal.pone.0133079. PMC 4558040. PMID 26332467.

Skakels[wysig | wysig bron]

Ontsluit van "https://af.wikipedia.org/w/index.php?title=Menslike_penisgrootte&oldid=2640679"