Mercury-Redstone 1A

in Wikipedia, die vrye ensiklopedie
Die Mercury-Redstone 1A lansering.

Mercury-Redstone 1A (MR-1A) was 'n Amerikaanse onbemande ruimtevaart en deel van die Mercury-program. Die ruimtetuig is op 19 Desember 1960 vanaf Kaap Canaveral, Florida gelanseer. Die doel van die sending was om seker te maak dat die ruimtetuig geskik is vir gebruik in die ruimte en ook vir toekomstige sub-orbitale vlugte gebruik kan word. Die ruimtetuig se instrumentasie, vuurpyle vir aandrywing en posisionering, en die herstelstelsels is getoets. Die sending was suksesvol.

Die Mercurykapsule het 'n hoogte van 210 km bo die Aarde bereik, en 378 km afgelê tydens sy vlug. Die vuurpyl het 'n groter snelheid bereik as wat beplan is nl. 7 900 km/h. Die kapsule is 15 minute nadat dit geland het, deur 'n helikopter van die Amerikaanse Lugmag uit die Atlantiese Oseaan herwin. Die vlugtyd was 15 minute en 45 sekondes.