Merklap

'n Merklap gemaak deur Catharine Ann Speel in sy op linne, 1805, Philadelphia

‘n Merklap is gemaak as bewys van iemand se vaardigheid in borduurwerk en as voorbeeld vir volgende borduursters.

Die eerste blanke setlaars het reeds hierdie leerlappe na Suid-Afrika gebring en die maak daarvan is daarna hier voortgesit. Gewoonlik was die borduurwerk op ‘n handgeweefde langerige graslinnelap van growwerige tekstuur sodat dit maklik was om die skering- en inslagdrade te tel. Daarop het die jong meisie haar naam en geboortedatum, die hele alfabet en alle syfers uitgewerk. Daarna het soms allerlei motiewe in ‘n verskeidenheid steke gevolg. Geborduurde illustrasies het soms sedelesse bevat en is dikwels vergesel van Bybelverse en rympies. Meesal is rooi en blou borduurgare gebruik. In verskeie museums kan verbleikte merklappe nog gesien word. By die bestudering van die kultuur- en kunsgeskiedenis sowel as die genealogie is hulle van belang.

Bibliografie

• www.merklappen.nl

Eksterne skakels

• Wikimedia Commons het meer media in die kategorie Merklap.