Philadelphia

in Wikipedia, die vrye ensiklopedie
Spring na: navigasie, soek

Philadelphia
Philadelphia skyline-daytime-crop1.jpg

Kaart Wapen
Map of Pennsylvania highlighting Philadelphia County.svg
Seal of Philadelphia, Pennsylvania.svg
Vlag
Flag of Philadelphia, Pennsylvania.svg
 Land Flag of the United States.svg Verenigde State
 Deelstaat Flag of Pennsylvania.svg Pennsilvanië
 Distrik (County) Allegheny
 Koördinate 39°57′N 75°09′W Koördinate: 39°57′N 75°09′W
 Stigting 27 Oktober 1682
 Inkorporasie 25 Oktober 1701
 Oppervlakte:  
 - Totaal 369,4 vk km
 Hoogte bo seevlak 12 m
 Bevolking:  
 - Totaal (2006) 1 448 394
 - Bevolkingsdigtheid 4 201,8/vk km
 - Metropolitaanse gebied 5 823 233
 Tydsone UTC -5 | Somertyd: UTC -4
 Burgemeester Michael Nutter (D)
 Amptelike Webwerf www.phila.gov

Philadelphia is die grootste stad in die Amerikaanse deelstaat Pennsilvanië en die sesde grootste in die Verenigde State met 'n bevolking van sowat 1,5 miljoen. Philadelphia is die administratiewe setel van die Philadelphia-distrik (Engels: Philadelphia County) en 'n beduidende nasionale handel-, onderwys- en kulturele sentrum. Die metropolitaanse gebied van Philadelphia-Camden-Wilmington is die vyfde grootste in die Verenigde State met sowat 5,8 miljoen inwoners (2006).

Philadelphia word dikwels The City of Brotherly Love ("Die Stad van Broederlike Liefde") genoem, afgelei van die betekenis van sy Griekse naam: Φιλαδέλφεια, /fi.la.ˈdɛl.fɛj.a/, "broederlike liefde" van Grieks philos "liefde" en adelphos "broeder".

Philadelphia, wat in die 18de eeu ook as die eerste Amerikaanse hoofstad gedien het, was destyds die grootste stad in die Verenigde State en die tweede grootste in die Britse Ryk na Londen. Ten opsigte van sy politieke en sosiale belangrikheid het dit selfs Boston en New York Stad oortref en het veral danksy die invloed van Benjamin Franklin tot die maatskaplike en geografiese sentrum van die oorspronklike dertien Amerikaanse kolonies ontwikkel. Die idee van 'n onafhanklike Amerikaanse nasie het in hierdie stad ontstaan, en Philadelphia was ook die toneel van belangrike gebeurtenisse gedurende die Amerikaanse Rewolusie, die beginpunt van die Amerikaanse vryheid, demokrasie en onafhanklikheid.