Meseta

in Wikipedia, die vrye ensiklopedie
Jump to navigation Jump to search
'n tipiese beeld van die Meseta

Die hoë plato, die Meseta, is 'n dorre, uitgestrekte gebied waar 'n mens ver kan ry sonder om 'n boom of 'n huis te sien. Die klimaat wissel tussen uiterstes. In die winter is dit bitter koud, veral wanneer 'n ysige noordewind, die norte, waai, terwyl die warm somerwind uit Afrika, die solano, in die somer soms ondraaglike hitte veroorsaak.

Afgesien van die klimaatsgesteldheid is die grondbedekking van die plato so dun dat die natuurlike plantegroei die van 'n steppe of half-woestyn is. Die enigste plantsoort wat werklik floreer, is esparto, 'n geharde grassoort, wat ook geskik is vir die maak van toue en mandjies.

Die Spaanse kleinboere gebruik dit selfs vir die vervaardiging van sole vir hul skoene, wat as alpargatas bekend staan. Nieteenstaande die swak plantbedekking is die Meseta die tuisgebied van die merinoskaap. Die meeste riviere ontspring op die plato. Die hoofstad van Spanje, Madrid, is in die middel van die plato. Dit lê 650 meter bo seevlak en is die hoogste hoofstad in Europa.

Bronnelys[wysig | wysig bron]

Eksterne skakels[wysig | wysig bron]