Mhlobo Jadezweni

in Wikipedia, die vrye ensiklopedie
Jump to navigation Jump to search
Mhlobo Wabantwana Jadezweni
Gebore 14 Junie 1961 (1961-06-14) (58 jaar oud)
Idutywa, Oos-Kaap
Alma mater Universiteit van Fort Hare
Universiteit Stellenbosch
Nasionaliteit Suid-Afrikaans
Instelling Universiteit Stellenbosch
Vakgebied Xhosa-literatuur, -taal en -poësie
Bekend vir Die boek: uTshepo Mde: Groot Genoeg

Mhlobo Wabantwana Jadezweni (gebore 14 Junie 1954) is 'n Suid-Afrikaanse akademikus en skrywer. Hy het grade aan die Universiteit van Fort Hare en Universiteit Stellenbosch behaal. Hy is sedert 1983 aan die Departement Afrikatale aan die Universiteit van Stellenbosch verbonde, waar hy Xhosa-literatuur en -taal onderrig, en Xhosa-poësie bestudeer.[1][2] Hy het gedien op verskeie Xhosa-taal rade sedert 1984 en is voorsitter van Fort Hare se isiXhosa Leksikografie-eenheid.[3]

Opleiding en loopbaan[wysig | wysig bron]

Jadezweni is op 14 Junie 1954 in Idutywa, Oos-Kaap, gebore. Hy het St John's College in Umtata bygewoon. Hy het 'n BA aan die Universiteit van Fort Hare en sy BA Hons en MA aan die Universiteit Stellenbosch verwerf. Hy het sy onderwysdiploma in 1974 by Cicira-onderwysersopleidingskollege voltooi en aan skole in die Transkei onderrig gegee.[2]

In 1983 het hy by die Departement Afrikatale aan die Universiteit Stellenbosch aangesluit. Hy was 'n gas-akademiekus aan die Universiteit van Leipzig in 1998-1999 en aan die Universiteit van Bayreuth in 2002.[2]

Lidmaatskappe en toekennings[wysig | wysig bron]

  • Pan-South African Language Board-toekenning vir die bevordering van Xhosa-taal en -letterkunde (2011)[2]
  • Lid van die Universiteit Stellenbosch Opedagskomitee (1996-)[2]
  • Lid van die Universiteit Stellenbosch se Strategiese Beplanningskomitee (1998-)[2]
  • Lid van die Bemarkingskomitee van die Kuns-Fakulteit aan die Universiteit Stellenbosch (2001-)[2]
  • Hy dien op provinsiale en nasionale taalkomitees en -organisasies, insluitend die Afrikataalvereniging van Suid-Afrika en die Suider-Afrikaanse Mites-vereniging.

Geskrewe werke[wysig | wysig bron]

Jadezweni is die skrywer van 'n veeltalige kinderboek uTshepo Mde: Tall Enough.[4] Die boek is in Xhosa en Engels geskryf en is in verskeie tweetalige uitgawes, insluitend Afrikaans, Sweeds en Portugees, gepubliseer. Die boek is genomineer as 'n Suid-Afrikaanse ereboek deur die Internasionale Raad op Boeke vir Jongmense (IBBY).[2]

Hy is die skrywer van verskeie publikasies oor Xhosa-digters en -skrywers en het stories vertaal vir die hoofstuk Xhosa-skrywers in die Afrikaanse boek Ensiklopedie van die Wêreld.[2]

Jadeweni het die volgende boeke geskryf of het 'n bydrae tot hulle gemaak:[2]

  • IsiXhosa Esitsha (Nuwe Xhosa) (1986)
  • Isahluko sokugqibela (Die Laaste Hoofstuk) (2000) [5]
  • The rights of a child (Die regte van 'n kind) (2004)

Private lewe[wysig | wysig bron]

Jadezweni is getroud met Nokuzola Jadezweni, 'n skoolonderwyseres in Khayelitsha. Hulle het drie kinders.[2]

Verwysings[wysig | wysig bron]

  1. Kompetisie vir isiXhosa-skryfwerk (Engels). Departement van Kultuursake en Sport (Wes-Kaapse Provinsiale Regering) (14 Junie 2007). URL besoek op 1 Mei 2019.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 Breuer, Rosemarie. M W Jadezweni (Engels). Stellenboschskrywers. URL besoek op 1 Mei 2019.
  3. Voorsitter | isiXhosa Leksikografie-eenheid (Engels). Universiteit van Fort Hare. URL besoek op 2 Mei 2019.
  4. Jadezweni, Mhlobo; Morris, Hannah (illustreerder) (2006). Groot Genoeg. Electric Book Works. p. 32. ISBN 9780620369183. Besoek op 2 Mei 2019. 
  5. Sisusa, Zibele (2000). Isahluko sokugqibela (in Xhosa). Cape Town: Tafelberg. p. 108. ISBN 9780624039266. Besoek op 2 Mei 2019.