Michael Brimer
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Michael Brimer | |
|---|---|
| Gebore | 8 Augustus 1933 |
| Genres | Klassieke musiek |
| Beroep(e) | Pianis, orrelis, dirigent, komponis |
| Instrumente | Klavier, orrel |
Michael Brimer (gebore 1933) is 'n Suid-Afrikaanse pianis, orrelis, dirigent en komponis. Hy het hom in 1958 in Australië gevestig, waar hy Beethoven se 32 klaviersonatas en al Schumann se klavierwerke vir opnames uitgevoer het. Saam met sy vrou, Judith, het hy die Bermagui Four Winds-fees begin. Sy Klavierkonsert No. 2 is opgeneem, en sy boek, Utopia Unlimited, het in 1975 verskyn.[1]
Lewensloop
[wysig | wysig bron]Brimer is op 8 Augustus 1933 is Suid-Afrika gebore en studeer onder Eleanor Bonnar, 'n leerling van Leopold Godowsky. Daarna studeer hy aan die Universiteit van Kaapstad, die Royal College of Music, die Royal School of Church Music in Londen en aan die Universiteit van Cambridge. Hy het ook in Wene en Australië studeer.
Sy akademiese loopbaan het afsprake as buitengewone professor aan die Universiteit van Wes-Australië, Monash Universiteit en die Universiteit van Natal ingesluit, asook as dekaan van die Fakulteit Musiek aan die Universiteit van Kaapstad en Ormond Professor in Musiek aan die Universiteit van Melbourne, waar hy vir 9 jaar werksaam was. Daarna is hy as emeritus professor by Melbourne-universiteit aangestel en het hy hom in Sydney gevestig.
As pianis het hy oor die wêreld konserte as solis[2] en kamermusikus aangebied. In 1962 was hy die eerste om Malcolm Williamson se Klavierkonsert nr. 2 uit te voer. Hy ook vyf keer die volledige reeks van Beethoven se 32 klaviersonatas uitgevoer. Volgens Brimer was hy die eerste Australiese pianis om die volledige Beethoven-sonatas op te neem. Die reeks lewendige opnames is in 1986 uitgesaai en was vir kommersiële verstelling op kasset bestem, maar as gevolg van 'n tegniese probleem is nie al die sonatas vrygestel nie.[3]
As orrelis het hy vertonings in die Royal Albert Hall, by Clare en King's Colleges, Cambridge, en in Sydney en Melbourne se stadsale aangebied, sowel as solis saam met verskeie Australiese orkeste.
Hy het ook orkeste in Australië en in die buiteland gedirigeer. Onder meer in opera-, koor- en orkesrepertoire, van klassieke tot kontemporêre werke, insluitend première-optredes.
Sy boek Utopia Unlimited: The Complete Musician and His World is in 1975 in Kaapstad gepubliseer.[4]
Verwysings
[wysig | wysig bron]- ↑ HAT Taal-en-feitegids, Pearson, Desember 2013, ISBN 978-1-77578-243-8
- ↑ Jean-Pierre Thiollet, 88 notes pour piano solo, Neva Editions, 2015, p.52. ISBN 978 2 3505 5192 0
- ↑ Matthew Westwood, "Facing the music", ABC Radio 24 Hours, Mei 2001, p.12
- ↑ Open Library
