Gaan na inhoud

Michail Dolijef

in Wikipedia, die vrye ensiklopedie
Michail Dolijef
Dolijef met 'n protesplakkaat in Astrachan
Gebore25 Junie 1976 (1976-06-25) (48 jaar oud)
NasionaliteitRusland
BeroepPolitikus, joernalis

Michail Dolijef (Russies: Михаил Долиев, gebore 25 Junie 1976 in Astrachan) is 'n Russiese regionalistiese opposisiepolitikus en joernalis van Oekraïense en Armeense afkoms. Hy is 'n rubriekskrywer vir Kasparov.ru, die nuuswerf van die skaakgrootmeester en politieke aktivis Garri Kasparof.[1]

Biografie[wysig | wysig bron]

Dolijef was die leier van die federale PARNAS-party se Astrachanse streekstak totdat dit deur die Russiese regering verbied en ontbind is.[2]

Ná die Russiese inval in Oekraïne het Dolijef dreigemente van politieke vervolging gekry en moes hy om veiligheidsredes uit Rusland vlug. Sedert Junie 2022 woon hy saam met sy familie in Duitsland, waar hulle politieke asiel gekry het.[3]

Hy het hom baie jare lank beywer vir die verdere federalisering van Rusland en die sentrale rol van Moskou teengestaan. Ná die begin van die oorlog in Oekraïne het hy ook separatistiese opinies uitgespreek en mense daaraan herinner dat Astrachan 'n onafhanklike khanaat was voordat Rusland dit verower en gekoloniseer het.

Verwysings[wysig | wysig bron]

  1. "Авторы. Михаил Долиев". Каспаров.ru (in Russies). Besoek op 19 Julie 2023.
  2. "Верховный суд России по иску Минюста ликвидировал партию ПАРНАС". Interfax (in Russies). 25 Mei 2023. Besoek op 19 Julie 2023.
  3. ""Нет такого преступления, на которое эта власть не пошла бы"". Idel.Realii (in Russies). 28 Junie 2022. Besoek op 19 Julie 2023.

Eksterne skakels[wysig | wysig bron]