Khanaat

in Wikipedia, die vrye ensiklopedie
Jump to navigation Jump to search

’n Khanaat of khaganaat was ’n politieke entiteit wat tipes was van die Eurasiese Steppe. Dit is deur khans of khagans regeer en was die ekwivalent van ’n stamgebied, prinsdom, koninkryk of keiserryk. Die titel "khan" kom uit Mongools of Turks en het oorspronklik vaagweg "leier" beteken.

Nadat Djengis Khan die Mongoolse Ryk in dele verdeel het vir sy seuns en kleinseuns,[1] het verskeie khanate in die voormalige ryk ontstaan.[2] Die bekendste hiervan was seker die khanaat van die Goue Horde.

Ook die Turkse volke het die naam gebruik. Die Tatare het ná die val van die Goue Horde die khanate van Kazan, die Krim, Astrachan en Siberië gestig. Ook in Persië was verskeie khanate, soos die magtige Il-khanaat, een van die Mongoolse opvolgerstate. Die laaste khanate in die Russiese Ryk is in die 19de eeu deur Rusland geannekseer.

Verwysings[wysig | wysig bron]

  1. Peter Jackson. 2000. "From Ulus to Khanate: the making of the Mongol states, c. 1220-c. 1290", eerste gepubliseer in R. Amitai-Preiss & D.O. Morgan (reds.), The Mongol Empire and Its Legacy. Leiden: E.J. Brill, 1999.
  2. Thomas T. Allsen, "Sharing Out the Empire: Apportioned Lands under the Mongols", in Nomads in the Sedentary World, red. Anatoly M. Khuzanov en André Wink (Richmond, Surrey: Curzon Press, 2001): 172–190

Skakels[wysig | wysig bron]