Mickey Rourke

in Wikipedia, die vrye ensiklopedie
Jump to navigation Jump to search
Mickey Rourke
'n Beeld van die betrokke persoonlikheid.
Rourke in 2009 by die première van City Island.

Geboortenaam Philip Andre Rourke jr.
Geboorte 16 September 1952 (1952-09-16) (67 jaar oud)
Aktiewe jare 1979-tans

Philip Andre Rourke jr. (gebore op 16 September 1952),[1] bekend as Mickey Rourke, is ’n Amerikaanse akteur, draaiboekskrywer en afgetrede bokser wat te sien is in hoofrolle in drama-, aksie- en rillerprente.

In die 1980s' het hy in die komediedrama Diner (1982), die drama Rumble Fish (1983), die misdaadfliek The Pope of Greenwich Village (1984) en die erotiese drama 9½ Weeks (1986) gespeel, en het groot lof ontvang vir sy spel in Barfly en Angel Heart (albei 1987). In 1991 het Rourke, wat vroeër jare boksopleiding gekry het, die rolprentbedryf verlaat en vir ’n tyd ’n professionele bokser geword.[2]

In 1994 het hy die bokshandskoene opgehang en weer begin toneelspeel. Hy was daarna in verskeie flieks te sien in byspelerrolle, onder meer die drama The Rainmaker (1997), die komediedrama Buffalo '66 (1998), die raaiselprent The Pledge (2001), die aksiefliek Once Upon a Time in Mexico (2003) en die aksieriller Man on Fire (2004).

In 2005 het Rourke sy terugkeer as hoofrolspeler gemaak in die neo-noir-aksieriller Sin City, waarvoor hy ’n paar pryse gewen het. In die 2008-fliek The Wrestler speel hy ’n ouer stoeier; hy het daarvoor ’n Golden Globe en Bafta gewen en ’n Oscar-benoeming gekry.[3] Hy was meer onlangs ook te sien in kommersieel suksesvolle prente soos Iron Man 2 en The Expendables (albei 2010).

Verwysings[wysig | wysig bron]

  1. "Rourke's arrest report for November 17, 2007" (PDF). TMZ. Besoek op 2009-01-13.
  2. "Rourke mania: Darren Aronofsky directs portrait of aging wrestler". Filmjournal.com. 2008-11-25. Besoek op 2009-07-05.
  3. Wloszczyna, Susan (2008-12-16). "'Wrestler' role puts Rourke back in awards ring". USA Today. Besoek op 2009-01-13.