16 September

16 September is die 259ste dag van die jaar in die Gregoriaanse kalender (260ste in skrikkeljare). Daar volg nog 106 dae.

Burry Stander tydens die 2012 Olimpiese Somerspele.

Gebeure

• 655 – Pous Eugenius I volg Pous Martinus I op.
• 681 – Einde van die sesde ekumeniese raad van Konstantinopel.
• 1472 – Giovanni Battista Cibo (later Pous Innocentius VIII) word biskop van Molfetta.
• 1795 – Die Verenigde Koninkryk verower Kaapstad, Suid-Afrika
• 1810 – Meksiko verkry onafhanklikheid van Spanje, een van die Meksikaanse Fiestas Patrias.
• 1908 – General Motors word gestig.
• 1963 – Maleisië word gevorm van Maleia, Singapoer, Britse Noord-Borneo en Sarawak.
• 1975 – Papoea-Nieu-Guinee verkry onafhanklikheid van Australië.
• 2022 – Mahsa Amin, ‘n Iranse vrou sterf onder verdagte omstandighede in Teheran, moontlik weens polisiebrutaliteit. Haar dood het gelei tot 'n reeks grootskaalse betogings regoor Iran.

Geboortes

• 1874 – P.K. de Villiers, pedagoog, konsertorrelis en skepper van Psalm- en Gesangmelodie († 1949).
• 1891 – Karl Dönitz, Duitse admiraal tydens die Tweede Wêreldoorlog († 1980).
• 1917 – Alwyn Schlebusch, Suid-Afrikaanse politikus en staatsman († 2008).
• 1924 – Lauren Bacall, Amerikaanse aktrise († 2014).
• 1925 – B.B. King, Amerikaanse bluessanger († 2015).
• 1939 – Breyten Breytenbach, Suid-Afrikaanse digter, skrywer en skilder.
• 1939 – Yaakov Neeman, Israelse politikus, advokaat en regsgeleerde († 2017).
• 1952 – Karen Muir, Suid-Afrikaanse swemster en die jongste persoon om 'n wêreldrekord op te stel en wel in die 110 treë-rugslag († 2013).
• 1973 – Alfred Schaffer, Nederlandse digter.
• 1987 – Burry Stander, Suid-Afrikaanse bergfiets kampioen en voormalige onder-23 Wêreldkampioen († 2013).
• 1992 – Nick Jonas, Amerikaanse akteur, getroud met Priyanka Chopra, Mej. Wêreld 2000.

Sterftes

• 655 – Pous Martinus I, 74ste pous van die Rooms-Katolieke Kerk (* ±600).
• 827 – Pous Valentinus, 100ste pous van die Rooms-Katolieke Kerk (* onbekend).
• 1087 – Pous Victor III, 158ste pous van die Rooms-Katolieke Kerk in Monte Cassino, Italië (* ±1027).
• 1394 – Teenpous Clemens VII in Avignon (* 1342).
• 1701 – Jakobus II, koning van Engeland (* 1633)
• 1753 – Georg Wenzeslaus von Knobelsdorff, Duitse argitek en skilder (* 1699)
• 1855 – Sir George Thomas Napier, 'n Britse goewerneur (* 1784).
• 1936 – Sir James Molteno, die laaste speaker van die Kaapse Wetgewer en die eerste van die Unie-Volksraad (* 1865).
• 1977 – Maria Callas, Amerikaanse operasangeres (* 1923).
• 2004 – Dolly Rathebe, 'n Suid-Afrikaanse aktrise en sangeres. (* 1928).
• 2016 – Edward Albee, Amerikaanse dramaturg (* 1928).
• 2021 – Jane Powell, Amerikaanse aktrise (* 1929).

Vakansies, vierings, en waarnemingsdae

• Mexiko – Onafhanklikheidsdag