Murray-Hofmeyr-gedenkteken

Die Murray-Hofmeyr-gedenkteken in die tuin van die Stellenbosse Kweekskool.

Die Murray-Hofmeyr-gedenkteken is 'n monument in die tuin van die Stellenbosse Kweekskool wat opgerig is ter ere van proff. John Murray en Nicolaas Hofmeyr. 'n Standbeeld ter nagedagtenis aan prof. John du Plessis, genaamd Pienk Piet, staan in dieselfde tuin.

Hierdie gedenkteken ter nagedagtenis aan die eerste twee hoogleraars aan die NG Kerk se Kweekskool is op 27 Augustus 1913 onthul deur dr. Andrew Murray, 'n broer van prof. Murray.

Die beeld toon 'n staande prof. Murray en 'n sittende prof. Hofmeyr. Hulle was die eerste professore verbonde aan hierdie kweekskool. Aan die sykante van die fondament is afbeeldings van die bekende NG predikante Andrew Murray, J.H. Neethling, Abraham Faure en G.W.A. van der Lingen. Aan die agterkant van die fondament word die vyftigjarige bestaan van die kweekskool in 1909 herdenk.

Galery

• 
  Die gedenkteken afgeneem in 1916 vir eerw. Andries Dreyer se Zuid-Afrikaanse Monumenten-Album met verklarende en historiese aantekeningen.
• 
  Prof. John Murray.
• 
  Die bewoording aan die voorkant van die gedenkteken se voetstuk.