Museum

in Wikipedia, die vrye ensiklopedie
Spring na: navigasie, soek

'n Museum is 'n gebou waar goed versamel en gestoor word vir besoekers om te besigtig. Museums kan oor verskillende temas handel, soos Natuurlike Geskiedenis, Geologie, Wetenskap, skilderye of beeldhouwerke.

Vatikaansmuseum - Rome.

Museums kan ook lewende diere bevat. In hierdie geval word daarna verwys as dieretuine.

Museums word deur mense besoek vir opvoeding sowel as vir die pret daarvan.

Geskiedenis[wysig | wysig bron]

Vorste en ander welgestelde mense het reeds baie eeue gelede begin om allerhande interessante dinge in sogenaamde curiosa-kabinette te versamel. Benewens skilderye en ander kunsvoorwerpe het hierdie versamelings ook dikwels opgestopte diere, gesteentemonsters en meer bevat. Uit hierdie private versamelings het mettertyd openbare museums ontwikkel wat vir die publiek toeganklik is.

Daar word onderskei tussen vele soorte museums bv. Kunsmuseum of pinakoteek (Grieks: pinax , skildery en theke, houer) en ander soos:

Museumtipe Versameling
Kunsmuseum skilderye, beeldhouwerke en ander kunsvoorwerpe
Historiese of kultuurhistoriese museum klere, meubelstukke, gebruiksvoorwerpe van die mens, wapentuig en werktuie
Natuurhistoriese museum van gesteentemonsters tot volledige skelette van oerdiere
Tegniese en wetenskaplike museum masjiene, apparate, ens.

Bronnelys[wysig | wysig bron]