NG gemeente Aan-die-Berg

in Wikipedia, die vrye ensiklopedie
Jump to navigation Jump to search

Die NG gemeente Aan-die-Berg is ’n gemeente van die Nederduitse Gereformeerde Kerk in die Hoëveldse Sinode met sy middelpunt in die voorstad Northcliff.

Aan-die-Berg het op 1 Julie 2018 ontstaan toe die gemeentes Linden en Aasvoëlkop saamgesmelt het, veral weens die afname in eersgenoemde se lidmaattal. Die nuwe gemeente is gesetel in die ou Aasvoëlkop-kerkkomplek in Lawleylaan, Northcliff.

Die NG gemeente Linden was ten tyde van die samesmelting amper 82 jaar oud aangesien dit op 8 Oktober 1936 van die NG gemeente Waterval afgestig het. Die NG gemeente Aasvoëlkop, ‘n dogtergemeente van Linden, het op 10 Junie 1959 tot stand gekom.

Met die jare is vier ander dogtergemeentes ook van Linden afgestig:

  1. Ferndale (nou Randburg, 29 Mei 1944
  2. Fontainebleau, 24 Junie 1955
  3. Fairland, 24 Junie 1955
  4. Lindenpark, 14 Maart 1962

Drie jaar nadat Linden ophou bestaan het, het Lindenpark se kerkraad op 24 Mei 2021 besluit om die gemeente by Fontainebleau in te lyf. Die kerkgebou van Lindenpark sal verkoop word en woonstelle op die perseel gebou word. Dit sal beteken die enigste oorblywende Afrikaanse Susterkerk in die voorstad Linden, wat volgens die 2011-sensus 2 582 Afrikaanssprekende inwoners gehad het,[1] is die Gereformeerde kerk Linden, wat in 1950 gestig is en in 2021 sowat 1 200 lidmate (oud en jonk) gehad het.

Bron[wysig | wysig bron]

Verwysings[wysig | wysig bron]