NG gemeente Daspoort

in Wikipedia, die vrye ensiklopedie
Die kerkgebou, begin 2018. Ds. J.S. Krige het die hoeksteen op 7 Augustus 1948 gelê. Die argitek was Hendrik Vermooten.
Ds. M.W. Retief.
Die NG kerk Daspoort, soos dit gelyk het in 1951.
Ds. F.L. Cloete, van 1948 tot 1950 eerste medeleraar.
Ds. F.C. Bezuidenhout, leraar van 1970 tot 1977.

Die NG gemeente Daspoort is ’n gemeente van die Nederduitse Gereformeerde Kerk in Pretoria. Met sy stigting was dit slegs die vierde gemeente van die NG Kerk in die stad, maar nadat Eloffsdal in September 2011 met Eloffsdal-Wes en Magaliesfort saamgesmelt het, het dit die derde oudste NG gemeente in Pretoria geword.

Stigting[wysig | wysig bron]

Die gemeente Daspoort is op 24 Februarie 1922 van Eloffsdal afgestig. Dit was die eerste dogter wat laasgenoemde afgegee het. In Oktober van dieselfde jaar is ds. J.S. Krige beroep wat toe reisende sekretaris van die Strewersvereniging was. Hy is as eerste leraar van die gemeente in 1923 bevestig. Ds. H.S. Bosman, van die Pretoriase moedergemeente het die bevestigingsrede gehou. Die nuwe leraar en sy vrou het dadelik begin kennis maak met die gemeente, maar daar was nie 'n ryding nie en hulle moes loop. Later het hulle met 'n perdekarretjie gery, en eindelik is 'n Fordjie gekoop vir £87.

Die finansiële toestand van die gemeente was van die begin af baie benard. Dit het baie jare lank maar 'n gedurige stryd gekos om die gemeente finansieel kop bo water te hou. Vanaf 1937 het dit egter baie beter gegaan. Later is daartoe oorgegaan om hulp vir die leraar te kry. As hulppredikers in die gemeente het tydelik diens gedoen prop. J.N. Botha, prop. A.J. Minnaar en ook oefenaar H. Senekal.

Kerkbou[wysig | wysig bron]

Intussen is ook voortgegaan met die insameling van 'n boufonds vir 'n nuwe kerk, en is 'n tweede pastorie gebou. In die begin van 1948 is ds. F.L. Cloete bevestig as medeleraar. Nadat ds. Krige 26 jaar lank die gemeente getrou en met seën bearbei het, het hy 'n beroep na Germiston aanvaar. In Oktober van dieselfde jaar is dr. M.W. Retief as medeleraar bevestig, en in April 1949 is die nuwe kerk ingewy.

Groei[wysig | wysig bron]

Die gemeente wat afgestig is met 'n ledetal van ongeveer 450, het by hierdie tyd gegroei tot ongeveer 2 500. Gevolglik is oorgegaan tot die afstigting van twee dogter-gemeentes: Booysen en Wonderboompoort. Kort daarna het ds. Cloete 'n beroep aangeneem na Amsterdam. Die geestelike opbou van die gemeente en die afbetaal van die kerkskuld was destyds die lidmate en kerkraad se belangrikste take.

Enkele leraars[wysig | wysig bron]

  • Johannes Stefanus Krige, 1923 - 1949
  • Frans Lodewyk Cloete, 1948 - 1950 (eerste medeleraar)
  • Dr. Malcolm Wilhelm Retief, Oktober 1949 - 1963
  • Fredrik Cornelius Bezuidenhout, 1970 - 1977

Bronne[wysig | wysig bron]

Sien ook[wysig | wysig bron]

Eksterne skakels[wysig | wysig bron]