NG gemeente Mariental

in Wikipedia, die vrye ensiklopedie
Spring na: navigasie, soek
Ds. Pieter Jacobus Conradie, leraar van 1904 tot 1905.
Die NG kerk Mariental.
Ds. C.W. Retief, leraar van 1909 tot 1911.
Eerw. (later ds.) E.J. Leonard het van 1911 as sendeling in Suidwes-Afrika gewerk het en is in 1932 as predikant gelegitimeer, toe hy leraar van die Gibeon geword het.
Ds. E.H. van den Berg, leraar van 1960 tot 1962.

Die NG gemeente Mariental is die oudste gemeente van die Nederduitse Gereformeerde Kerk in Namibië en is in 1898 as die gemeente Gibeon gestig.

Eerw. E.J. Leonard, na wie die NG gemeente Leonard en die dorpie Leonardville genoem is, was die eerste leraar van die gemeente en het 'n aantal jare die hele destydse Suidwes-Afrika as sy gemeente gehad. Ná die stigting van die gemeente Moria, later bekend as NG gemeente Otjiwarongo, het die ontsaglike groot gemeente steeds die hele suide van die gebied beslaan. Keetmanshoop is maar eers in 1924 afgestig, maar selfs daarna was die oppervlakte groter as die hele Vrystaat. Sedert 1944 is drie gemeentes kort na mekaar afgestig: Leonard (1944), Maltahöhe (1946) en Gochas (1950). Steeds was daar, buiten die hoofdorp Mariental, toe nog vyf wyke waar dienste gehou is.

Die gemeente se destydse naam, Gibeon, is afgelei van 'n klein nedersetting wat mettertyd net 'n wyk van die gemeente geword het toe die middelpunt van die gemeente na Mariental verskuif het.

Eerw. Leonard het in 1932 die status van predikant gekry. Tot in 1938 was hy alleen werksaam in die gemeente, maar in daardie jaar word ds. T.J. Potgieter as medeleraar beroep. Hy het toe tot in Oktober 1947 in die gemeente gestaan. Van Augustus 1948 het ds. M.N. van Rensburg die gemeente bedien.

Gibeon was die eerste gemeente van die NG Kerk in Suidwes-Afrika wat sendingwerk gedoen het onder die bruin mense wat uit die Unie hierheen gekom het. Die gemeente het teen 1952 £600 per jaar net aan plaaslike sending bestee.

Enkele leraars[wysig | wysig bron]

  • Pieter Jacobus Conradie, 1904 - 1905
  • Charl Wynand Retief, 1909 - 1911
  • Karel Wynand le Roux, 1925 - 1929, waarna NG gemeente Windhoek tot 1946, toe hy emeriteer
  • Edward Johannes Leonard, 1932 - 20 Januarie 1939 (in die amp oorlede)
  • Johannes Theodorus Potgier, 1939 (blykbaar in dieselfde jaar na Okahandja vertrek)
  • Michael Nicolaas Janse van Rensburg, 1948 - ?
  • Nicolaas Johannes Mostert, 1952 - 1958
  • Andreas Gerhardus du Toit, 1957 - 1960
  • Ernst Hendrik van den Berg, 1960 tot 1962
  • Daniël Christiaan Esterhuyse, 1968 - 1975
  • Jacobus Petrus Jooste, 2012 - 2013 (in die amp oorlede)

Bronne[wysig | wysig bron]