NG gemeente Oewer

in Wikipedia, die vrye ensiklopedie
Jump to navigation Jump to search

Die NG gemeente Oewer is die jongste en mees suidelike gemeente van die Nederduitse Gereformeerde Kerk in Namibië.

Die gemeente het op 22 Oktober 2017 van die NG gemeente Warmbad afgestig en het sy setel op die grensdorpie Noordoewer; vandaar die naam. Die stigting van die gemeente Oewer is goedgekeur op die Suidelike Ringsitting van 9 tot 10 September 2017. Die gemeente het amptelik tot stand gekom op ’n gemeentestigtingsvergadering onder leiding van die Suidelike Ringskommissie. Ds. D.J. Coetzee van Warmbad het die beroep na Oewer aanvaar en eervolle demissie op Sondag 19 November 2017 ontvang. Tydens dieselfde geleentheid is hy bevestig as Oewer se eerste leraar. Terselfdertyd het die gemeente sy stigting en eerste voltydse predikant se bevestiging gevier.