Nakajima Ki-84

in Wikipedia, die vrye ensiklopedie
Nakajima Ki-84
'n Bewaarde Ki-84 Hayate (Frank) in Kalifornië in 1970.
Tipe Vegvliegtuig
Vervaardiger Nakajima Aircraft Company
Ontwerp deur Yasushi Koyama
Nooiensvlug Maart 1943
Bekendstelling November 1944
Onttrek Augustus 1945
Status Onttrek
Hoofgebruiker Japannese Leërlugmag
Aantal gebou 3 514

Die Nakajima Ki-84 Hayate is 'n enkelsitplek, enkelmotorige vegvliegtuig wat deur die Lugmag van die Japannese Keiserlike Leër gebruik is tydens die Tweede Wêreldoorlog. Die Ki-84 was tegnies die mees gevorderde Japannese vliegtuig in die laaste jaar van die oorlog in die Stille Oseaan. Indien dit in groter getalle beskikbaar was, kon dit 'n aansienlike verskil aan die oorlog gemaak het. Dit kon op gelyke voet met die Republic P-47 Thunderbolt en die Mustang P-51 meeding en afhangende van hoogte kon dit selfs beter klim en hanteer as laasgenoemde vliegtuie. Japan was op daadie stadium so desperaat vir die vliegtuig dat hulle selfs fabrieke ondergronds gebou het om 200 eenhede per maand te produseer.

Ontwikkeling[wysig | wysig bron]

Die vliegtuig se ontwerp is in 1942 gedoen, toe daar besef is dat die Nakajima Ki-43 vervang moes word. Die Japannese Keiserlike Leër het 'n hoë-werkverrigtingvliegtuig met 'n lang togafstand benodig om die Geallieerde vliegtuie te kon troef. Die prototipe het sy nooiensvlug in Maart 1943 voltooi en Japan het gou besef dat dit die beste vliegtuig was waaroor hulle beskik het, wat gereed was vir produksie. Operasionele toetsing het in Oktober 1943 begin en die vliegtuig is goedgekeur as die Leër Tipe 4 Vegvliegtuig Model 1a vir produksie.

Vliegtuie het vanaf die produksielyn begin rol in April 1944. Die toets eskader van die Ki-84 was egter reeds in Maart 1944 ontbind en oorgeplaas na die 22ste Sentai wat toegerus word met die Ki-84. Die 22ste Sentai is oorgeplaas na China waar hulle teen die 14de Amerikaanse Lugmag geveg het. Hier het hulle gou 'n reputasie as gedugte vegters opgebou as gevolg van die vliegtuig se hoë werksverrigting, ratsheid en klimvermoë. Ook was die vlieënier beter beskerm met pantser as die ander Japannese vegvliegtuie.

Die vliegtuig het 'n paar unieke hanterings probleme gehad; dit was moeilik om met die vliegtuig op die grond rond te beweeg en as gevolg van die motor se wringkrag het die vliegtuig geneig om na bakboord te swenk sodra die stertwiel van die grond af gelig het. Die vliegtuig het kwaliteits probleme gehad wat veroorsaak is deur voortdurende bombardering van die fabrieke deur Amerikaanse Boeing B-29 Superfortresses.

Tegniese besonderhede[wysig | wysig bron]

Besonderhede van die Nakajima Ki-84-Ia:
Item Statistiek
Aantal motors 1
Tipe motor Skroef
Vervaardiger Nakajima Ha-45 stermotor
Kraglewering per motor 1 900 perdekrag
Vlerkspan 11,24 m
Lengte 9,92 m
Hoogte 3,39 m
Vlerkoppervlakte 21,0 m2
Normale opstygmassa 3 890 kg
Maksimum snelheid 631 km/h
Operasionele hoogte 10 500 m
Togafstand 2 168 km
Klimvermoë 1 100 m per minuut
Bewapening Twee 12 ,7mm masjiengewere
en twee 20 mm kanonne
twee 250 kg bomme onder die vlerk.

Sien ook[wysig | wysig bron]

Bron[wysig | wysig bron]