Nasionale Etruskiese Museum

in Wikipedia, die vrye ensiklopedie
Jump to navigation Jump to search
Nasionale Etruskiese Museum
'n Beeld van die museum.

Openingsjaar 1889
Tipe museum Nasionale museum
Sarkofaag van die Gades, laat 6de eeu v.C.

Die Nasionale Etruskiese Museum (Italiaans: Museo Nazionale di Villa Giulia (Afrikaans: Nasionale Museum van Villa Giulia) is ‘n museum in Rome wat hoofsaaklik gewy is aan die antikwiteite van die pre-Romeinse tydperk van antieke Umbrië, Latium, en suidelike Etruske. Dit word gehuisves in die Villa Giulia, of Villa di Papa Giulio (Pous Julius), wat in die middel van die 16de eeu vir Pous Julius III gebou was. Die museum word al sedert 1889 in die villa gehuisves. Die gevierde beeldhouwerke wat gehuisves word, sluit die geverfde terracotta Apollo en Hercules van Formello (Veii); wat in 1916 en 1939 opgegrawe is en as een van die beste voorbeelde van laat 6de eeuse of vroeë 5de eeuse Etruskiese beeldhouwerke beskou word; in. Daar is ook ‘n pragtige terracotta sarkofaag wat manlike en vroulike figure tentoonstel wat in ‘n feestelike bui verkeer, welke ‘n rare voorbeeld van die nekropolis by Caere is. Die versameling bestaan uit verskeie artefakte soos vase, bronswerke, borswering, spieëls en standbeelde. Die pragtige versameling Griekse vase sluit die bekende Chigi-vaas in wat by Veii gevind is. Dit is ‘n goeie voorbeeld van Proto-Korintiese vaas-skilderwerk wat vanuit die eerste helfte van die 6de eeu v.C. dateer. Die Castellani-versameling bestaan uit Griekse vase. [1]

Versamelings[wysig | wysig bron]

Die museum se bekendste enkele skat is die terracotta grafmonument; te wete die byna lewensgrootte Bruid en Bruidegom (die sogenaamde Sarcofago degli Sposi, of Sarkofaag van die Gades), wat so gemodelleer is dat dit lyk asof hulle tydens 'n dinee ontspan.

Ander voorwerpe wat daar gehou word is:

  • Die Etruskiese-Fenesiese Pyrgi-tablette[2]
  • Die Apollo van Veii[3]
  • Die Cista Ficoroni
  • 'n Herkonstrueerde fries wat vir Tydeus tentoonstel terwyl hy die brein van sy vyand Melanippus verorber
  • Die Tita Vendia-vaas
  • Die Sarpedon krater (oftewel, die "Euphronios krater") - dit word tans by die Argeologiese Museum van Cerveteri gehuisves, dit was vanaf 2008 tot 2014 by die Villa Giulia gehuisves
  • Die Sentour van Vulci

Bronne[wysig | wysig bron]

  • Moretti, Anna Maria Sgubini (red.). The Villa Giulia National Etruscan Museum: Short Guide. Roma. ISBN 88-8265-012-X. Onbekende parameter |jaar= geïgnoreer (help); Onbekende parameter |uitgewer= geïgnoreer (help)

Verwysings[wysig | wysig bron]

Eksterne skakels[wysig | wysig bron]

Koördinate: 41°55′06″N 12°28′40″O / 41.918375°N 12.477657°O / 41.918375; 12.477657