Newark Castle (skip)
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die SS Newark Castle van 6224 ton het op 12 Maart 1908 regoor Durnfordpunt aan die Natalse kus op 'n sandbank geloop.
Hierdie passasiers- en vragskip is in 1902 deur Barclay Curle en kie by Glasgow vir die Union-Castle-Redery gebou.
Vroeg in 1908 was die skip onderweg van Londen na Mauritius. Aan boord was 'n bemanning van 69 en 46 passasiers, hoofsaaklik soldate vir die garnisoen op Mauritius en 'n vrag banknote. Ses uur na die vertrek uit Durban na Maputo (Lourenco Marques, Delagoabaai) loop die skip vas op 'n afstand van 7 km van die kus, suid van Richardsbaai en naby die mond van die Mhlatuzerivier. Die see was kalm en die passasiers vertrek almal in die reddingsbootjies in die rigting van Durban. 'n Verbygaande skip neem alle passasiers en ook kapt. Neilson en die bemanning aan boord. Een reddingsboot slaan om en drie mense verdrink.
Die verlate skip het verder gedryf en 11 km verder op 'n sandbank tot ruste gekom.
Bibliografie[wysig | wysig bron]
- Turner, Malcolm: Shipwrecks and salvage in South Africa – 1505 to the present. Kaapstad: Struik, 1988. ISBN 0-86977-387-9
- www.clydesite.co.uk/clydebuilt/viewship.asp?id=4202
- www.wrecksite.eu/wreck.aspx?31339