Nightcrawler
| Nightcrawler | |
.jpg)
| |
| Skepping | |
|---|---|
| Eerste verskyning | Giant-Size X-Men #1 (Mei 1975) |
| Geskep deur | Marvel Comics Len Wein en Dave Cockrum |
| Inligting | |
| Alter ego | Kurt Wagner |
| Spesie | Mutant |
| Geslag | Manlik |
Nightcrawler, oftewel Kurt Wagner, is 'n superheld in strokiesverhale van Marvel Comics en word gewoonlik met die X-Men verbind. Hy is geskep deur die skrywer Len Wein en kunstenaar Dave Cockrum, en het sy eerste verskyning in Mei 1975 gemaak in Giant-Size X-Men #1.[1]
Toe hy geskep is, was daar reeds 'n ander Marvel-karakter met dieselfde naam, maar met 'n koppelteken (Night-Crawler). Laasgenoemde se naam is later verander na Dark-Crawler om verwarring te voorkom.[2]
Nightcrawler is lid van die fiktiewe menslike subspesie bekend as "mutante"; hulle besit 'n X-geen wat fisieke veranderings en in baie gevalle bomenslike eienskappe veroorsaak. Nightcrawler het 'n bomenslike ratsheid, die vermoë om te teleporteer en klouende hande en voete. Sy fisieke mutasies sluit in 'n indigo, fluweelagtige pels wat hom feitlik onsigbaar in skaduwees maak, asook voete met twee tone elk, hande met drie vingers, geel oë, gepunte ore en 'n grypende stert. Hoewel hy nie in die vroeë verhale baie oor sy Katolieke geloof praat nie, doen hy dit later meer dikwels. Hy is die seun van die Marvel-karakters Mystique en Azazel.
Sedert sy skepping verskyn Nightcrawler gereeld in Marvel se strokiesboeke en videospeletjies. Alan Cumming het die karakter vertolk in die rolprent X2 (2003), terwyl Kodi Smit-McPhee 'n jonger weergawe van hom gespeel het in X-Men: Apocalypse (2016), Deadpool 2 (2018) en Dark Phoenix (2019).
Verwysings[wysig | wysig bron]
- ↑ DeFalco, Tom; Sanderson, Peter; Brevoort, Tom; Teitelbaum, Michael; Wallace, Daniel; Darling, Andrew; Forbeck, Matt; Cowsill, Alan; Bray, Adam (2019). The Marvel Encyclopedia. DK Publishing. p. 257. ISBN 978-1-4654-7890-0.
- ↑ The Best Hulk Easter Eggs In The MCU - Looper
Skakels[wysig | wysig bron]
- Nightcrawler by Marvel.com
Hierdie artikel is in sy geheel of gedeeltelik uit die Engelse Wikipedia vertaal.
