Nova Friburgo

in Wikipedia, die vrye ensiklopedie

Nova Friburgo

Kaart Wapen
Vlag
 Land Brasilië
 Deelstaat Rio de Janeiro
 Koördinate 22°16′S 42°31′W / 22.267°S 42.517°W / -22.267; -42.517
 Stigting 16 Mei 1818
 Oppervlakte:  
 - Totaal 932,635 vk km
 Hoogte bo seevlak 846 m
 Bevolking:  
 - Totaal (November 2010) 182 016
 - Bevolkingsdigtheid 195,16/vk km
 Tydsone UTC -3
 - Somertyd UTC -2
 Burgemeester Maria da Saudade
Medeiros Braga
 Amptelike Webwerf novafriburgo.rj.gov.br

Nova Friburgo is 'n stad in die Brasiliaanse deelstaat Rio de Janeiro met 'n oppervlak van 932,635 vierkante kilometer en 182 016 inwoners (2010). Die stad lê sowat 846 meter bo seevlak in die bergreeks Serra Fluminense, 130 kilometer noord-oos van die stad Rio de Janeiro. Die argitektuur, kultuur en leefstyl van Nova Friburgo is baie sterk deur Switserse, Duitse en ander Middel-Europese setlaars beïnvloed.

Geskiedenis[wysig | wysig bron]

Nova Friburgo is in 1820 deur Switserse immigrante uit Fribourg (Wes-Switserland) gestig, wat hulle met die toestemming van koning Johan VI van Portugal in die jaar 1818 in Brasilië gevestig het. Die oorspronklike, volledige naam van die stad was São João Batista de Nova Friburgo. Nova Friburgo het danksy 'n groot aantal latere immigrante, onder meer uit Duitsland, vinnig gegroei. Sy gematigde klimaat het die ontwikkeling van 'n welvarende landbousektor bevorder.

Geografie[wysig | wysig bron]

'n Aantal belangrike riviere ontspring in die omgewing van Nova Friburgo, waaronder Rio Grande, Rio Bengalas, Rio Macaé, Rio Cônego en Rio Santo Antôno.

Ekonomie[wysig | wysig bron]

Nova Friburgo se ekonomie steun nog sterk op die landbousektor (wat veral groentes en kalkoene oplewer), maar het ook tot 'n belangrike toeristebestemming ontwikkel. Die nywerheidsektor het hom op tekstiele (veral onderklere) toegespits.

Eksterne skakels[wysig | wysig bron]