16 Mei

16 Mei is die 136ste dag van die jaar in die Gregoriaanse kalender (137ste in skrikkeljare). Daar volg nog 229 dae in die jaar.

Gebeure

• 1003 – Pous Johannes XVII volg Pous Silvester II op as pous van die Rooms-Katolieke Kerk.
• 1532 – Heer Thomas More bedank as Lord Chancellor van Engeland.
• 1568 – Mary, koningin van Skotland vlug na Engeland.
• 1605 – Pous Paulus V volg Pous Leo XI op as pous van die Rooms-Katolieke Kerk.
• 1672 – Vincenzo Maria Orsini (Later Pous Benedictus XIII) word kardinaal-priester van S. Sisto.
• 1770 – Die 14-jarige Marie Antoinette trou met die 15-jarige Louis-Auguste (wat later Koning van Frankryk word).
• 1803 – Pous Pius VII stel Miguel Carlos José de Noronha, kanunnik proto-diaken van die katedraal van Lissabon en Luigi Gazzoli, ouditeur van die Apostoliese Kamer aan as kardinale.
• 1820 – Die NG gemeente Beaufort-Wes gestig as negende oudste gemeente van die Kaapse NG Kerk.
• 1823 – Pous Pius VII stel Anne-Louis-Henri de La Fare, aartsbiskop van Sens, Frankryk aan as kardinaal.
• 1866 – Die Kongres van die Verenigde State onttrek die halftiensentstukmunt (half-dime) en vervang dit met die vyfsentstuk, (nickle) genoem.
• 1866 – Uitvinding van root beer deur Charles Elmer Hires.
• 1910 – Die Kongres van die Verenigde State keur die skepping van die Verenigde State Buro van Myne goed.
• 1920 – Pous Benedictus XV verklaar Johanna van Arkel (Jeanne d'Arc) heilig.
• 1920 – Die Switserse volk keur die referendum goed waarvolgens Switserland lid van die Volkebond mag word.
• 1929 – In Hollywood, Kalifornië word die eerste Oscar (deur die Amerikaanse Filmakademie) toegeken.
• 1943 – Die Warsaw ghettoopstand eindig.
• 1943 – Tweede Wêreldoorlog: Die Dambuster Raids vind plaas deur die RAF 617 Squadron op Duitse damme.
• 1948 – Chaim Weizmann word verkies as eerste President van Israel.
• 1969 – Wenera-ruimteprogram: Wenera 5, ’n Sowjetruimtetuig, land op Venus.
• 1975 – Indië annekseer Sikkim.
• 1975 – Junko Tabei word die eerste vrou wat die piek van Everest bereik.
• 1992 – STS-49: Ruimtependeltuig Endeavour land veilig na 'n suksesvolle nooiensvlug.
• 1998 – Nieu-Seeland klop die Verenigde State in die eindstryd met 44–12 en wen sodoende die derde Vrouerugbywêreldbeker in Nederland.
• 2002 – Star Wars Episode II: Attack of the Clones open in teaters.
• 2007 – Nicolas Sarkozy word as die staatspresident van Frankryk beëdig.
• 2010 – Engeland wen die eindstryd van die derde T20I-wêreldbeker in Wes-Indië met sewe paaltjies teen Australië; in die eindstryd van die tweede T20I-vrouewêreldbeker verslaan Australië Nieu-Seeland met drie lopies.

Geboortes

• 1611 – Benedetto Odescalchi (later Pous Innocentius XI), die 240ste pous van die Rooms-Katolieke Kerk († 1689).
• 1745 – Adriaan van Jaarsveld, Boerekommandant van die Eerste Grensoorlog († 1801).
• 1801 – William H. Seward, Amerikaanse politikus en staatsman († 1872).
• 1818 – Willem Cornelis Janse van Rensburg, tweede President van die Zuid-Afrikaansche Republiek († 1865).
• 1905 – Henry Fonda, Amerikaanse akteur († 1982).
• 1919 – Liberace, Amerikaanse sanger, pianis en akteur († 1987).
• 1919 – Gisela Uhlen, Duitse aktrise († 2007).
• 1922 – Otmar Suitner, Oostenrykse dirigent († 2010).
• 1942 – Piet Greyling, Suid-Afrika se vyf-en-dertigste Springbokkaptein.
• 1953 – Pierce Brosnan, Ierse akteur.
• 1955 – Debra Winger, Amerikaanse aktrise.
• 1964 – Kobus Wiese, oud-Springbokrugbyspeler.
• 1966 – Janet Jackson, Amerikaanse sangeres, liedjieskrywer, danseres en aktrise.
• 1973 – Tori Spelling, Amerikaanse aktrise en skrywer.
• 1982 – Tiya Sircar, Amerikaanse aktrise.
• 1985 – Jing Lusi, Chinese aktrise.
• 1986 – Megan Fox, Amerikaanse aktrise en vervaardiger.
• 1989 – Behati Prinsloo, Namibiese internasionale model.

Sterftes

• 1830 – Joseph Fourier, Franse wiskundige en fisikus (* 1768).
• 1926 – Mehmet VI, laaste Ottomaanse sultan (* 1861).
• 1930 – Sir Henricus Hubertus Juta, 'n speaker en regter van die Kaapkolonie (* 1857).
• 1959 – Elisha Scott, Noord-Ierse sokkerdoelwagter en afrigter (* 1894).
• 1984 – Andy Kaufman, Amerikaanse komediant en akteur (* 1949).
• 1985 – Margaret Hamilton, Amerikaanse aktrise (* 1902).
• 1990 – Jim Henson, Amerikaanse poppemeester, regisseur en skepper van The Muppets (* 1936).
• 1990 – Sammy Davis Jr., Amerikaanse sanger, danser en akteur (* 1925).
• 2025 – Jan Terlouw, Nederlandse politikus, diplomaat, fisikus en skrywer van die jeugroman, Koning van Katoren (* 1931).

Vakansiedae

• In die Ierse Kalender – Fees van Sint Brendan die Navigator.