Old Firm

in Wikipedia, die vrye ensiklopedie
Spring na: navigasie, soek
Ondersteuners van Celtic en Rangers word geskei op die tribune.

Die Old Firm is 'n derby tussen die twee grootste sokkerspanne in Skotland: Celtic en Rangers. Beide spanne se tuisvelde is in Glasgow. Hierdie derby is miskien die strafste sportwedstryd ter wêreld as gevolg van die ekstreme mededinging tussen die ondersteuners van beide spanne wêreldwyd.

Godsdienstige invloed[wysig]

Die ondersteuners van Celtic is algemeen katoliek, waar die ondersteuners van Rangers algemeen protestant is. Beide ondersteunersgroepe identifiseer hulle met die godsdienstige oorlog in Noord-Ierland. Die ondersteuners van Celtic identifiseer hul met Ierland en die IRA (hulle kleur is groen en hulle swaai Ierse vlae), maar die Rangers ondersteuners identifiseer hul met die 'Unie' van die Verenigde Koninkryk en groepe wat vir die eenheid van die Unie veg in Noord-Ierland (hulle kleure is rooi-wit-blou en hulle swaai die Union Jack). Deur hierdie swaar godsdienstige invloed sterf daar elke jaar ondersteuners by onluste tydens die wedstryde. Celtic en Rangers veroordeel die godsdienstige invloed by die wedstryd.

Die wedstryd[wysig]

Die eerste Old Firm is in 1888 (as die eerste wedstryd van Celtic) gespeel. Tussen 1888 en nou is ongeveer 400 wedstryde gespeel tussen beide spanne, waarby Rangers enkele wedstryde meer het gewen. Die wedstryd word minstens vier keer (in die Skotse sokkerliga speel spanne vier keer teen mekaar) en dikwels vyf of ses keer (vir die Scottish Cup en die Scottish League Cup). Omdat Celtic en Rangers baie sterker is as die ander spanne in Skotland, is die wedstryde dikwels bepalend vir die titel, wat die mededinging verhoog.