Oxford

Oxford
Stad
Wapen
Byname:  The City of Dreaming Spires
Oxford
Koördinate: 51°45′07″N 1°15′28″W
Land	Verenigde Koninkryk
Land (VK)	Engeland
Graafskap	Oxfordshire
Stigting	8ste eeu
Stadstatus	1542
Regering
• Lord Mayor	Cllr Colin Cook
Oppervlak
• Stad	45,59 km2 (17,6 vk. myl)
Bevolking
• Stad	154 600
• Digtheid	3 391/km2 (8 784/vk. myl)
• Stedelik	666 358
Tydsone	UTC+00:00 (MGT)
• Somertyd	UTC+01:00 (BST)
Poskode	OX
Skakelkodes	01865
Webwerf	oxford.gov.uk

Oxford (Engels: [ˈɒksfərd], ) is 'n stad in Suid-Sentraal-Engeland. Dit dien as die administratiewe setel van die seremoniële graafskap Oxfordshire waarin dit 'n distrik vorm. Oxford is een van die snelste groeiende stede in die Verenigde Koninkryk, met 'n etnies uiteenlopende bevolking van 154 600 binne die stadsgrense en 244 000 in die metropolitaanse gebied. Die bewoners van Oxford word in Engels Oxonians genoem.

Uitsig oor Oxford, die "Stad van dromende toringspitse", vanaf Boars Hill

May Morning, die tradisionele Lentefees, word op 1 Mei met dansvertonings (die foto toon Morris-dansers), sangopvoerings en partytjies gevier

Die stad het 'n diverse ekonomiese basis met motorvervaardiging, uitgewerye, opvoedkundige instellings, inligtingstegnologie en ander wetenskapsgebaseerde bedrywe. Oxford staan internasionaal veral bekend as setel van die Universiteit van Oxford, die oudste in die land en die Engelssprekende wêreld.

Oxford se boukuns sluit voorbeelde van elke argitektoniese stylperiode in Engeland sedert die vestiging van die Angel-Sakse, waaronder die ikoniese Radcliffe Camera uit die middel van die 18de eeu. Oxford se kolleges oorheers die middestad met hul verskeidenheid boustyle en kenmerkende binnepleine. Maar dit is veral Gotiese stylelemente soos klein en groot torings met hul spitse waaraan Oxford sy bynaam "stad van dromende toringspitse" (city of dreaming spires) te danke het. Die digter Matthew Arnold het met hierdie term na die harmoniese boustyl van Oxford se universiteitsgeboue verwys. Dit was een van die Engelse gasheerstede tydens die Vrouekrieketwêreldbeker 1993.

Eksterne skakels

• Wikimedia Commons het meer media in die kategorie Oxford.
• (en) Toerisme-inligting oor Oxford op Wikivoyage
• (en) Amptelike webwerf
• (en) "Oxford". Encyclopædia Britannica. Besoek op 10 Desember 2025.

Media

---

• YouTube.com: Morris Dancing, Oxford