Paddavissterrestelsel
| Paddavissterrestelsel | ||||
 | ||||
| Die Paddavissterrestelsel soos afgeneem deur die Hubble-ruimteteleskoop. | ||||
| Soort stelsel | Ontwrigte sterrestelsel | |||
| Sterrebeeld | Draak | |||
| Tipe | SB(s)c pec[1] | |||
| Waarnemingsdata (Epog J2000) | ||||
| Regte klimming | 16h 06m 03.9s[1] | |||
| Deklinasie | +55° 25′ 32″[1] | |||
| Skynmagnitude | 14,4[1] | |||
| Besonderhede | ||||
| Afstand (ligjaar) | 400 miljoen | |||
| Skynbare grootte | 3′,6 × 0′,8[1] | |||
| Rooiverskuiwing | 9401 ± 15 km/s[1] | |||
| Ander name | UGC 10214, Arp 188, PGC 57129 | |||
| ||||
Die Paddavissterrestelsel is ’n ontwrigte spiraalsterrestelsel sowat 400 miljoen ligjare van die Aarde af in die sterrebeeld Draak. Sy mees dramatiese kermerke is ’n stert van sterre sowat 280 000 ligjare lank en massiewe helderblou sterreswerms.
’n Kompakter stelsel het vermoedelik voor die Paddavissterrestelsel verbybeweeg – van links na regs soos van die Aarde af gesien – en is om die Paddavis geslinger deur hul wedersydse swaartekrag-aantrekking. Tydens dié proses is die spiraalstelsel se sterre, gas en stof deur getykragte in ’n lang stertvormige patroon uitgerek. Die ander stelsel, wat na raming 300 000 ligjare agter die Paddavis lê, kan gesien word deur die spiraalarms op die voorgrond links bo op die foto.
Nes sy naamgenoot op die Aarde sal die Paddavis waarskynlik sy stert verloor wanneer dit ouer word – die sterreswerms in die stert sal moontlik klein satelliet-sterrestelsels van die groter spiraalstelsel vorm.
Verwysings
[wysig | wysig bron]- 1 2 3 4 5 6 "NASA/IPAC Extragalactic Database". Results for Tadpole Galaxy (in Engels). Geargiveer vanaf die oorspronklike op 2 Augustus 2002. Besoek op 6 November 2006.
- Nasa – die artikel bevat inligting van Nasa, wat in die publieke domein is.
Eksterne skakels
[wysig | wysig bron]- ESA/Hubble-verslag
Wikimedia Commons het meer media in die kategorie Paddavissterrestelsel.
Hierdie artikel is vertaal uit die Engelse Wikipedia
.jpg){kind=small}