Palouse

in Wikipedia, die vrye ensiklopedie
Jump to navigation Jump to search

Palouse Hills from Steptoe Butte.jpg

Palouse

Landskap, landboustreek en ekostelsel in die noordweste van die Verenigde State


Strek oor die deelstate

Washington
Idaho
Oregon


Ligging in Noord-Amerika

Palouse grasslands map.svg


Hoogste bergpiek

Moscow Mountain, Idaho (1 519 m)

Die Palouse [pəˈluːs] is 'n streek in die noordwestelike Verenigde State wat, afhangende van die geografiese definisie, oor twee of drie deelstate strek - die suidooste van Washington en die noorde van Sentraal-Idaho. Volgens sommige definies strek die gebied ook verder suidwaarts na Noordoos-Oregon.

Ondanks sy buitengewone landskapsvorme was die yl bevolkte landelike gebied met sy halfdroë klimaat nooit 'n toeristetrekpleister nie. Weens die geografiese nabyheid van een van die vernaamste setlaarsroetes in die VSA - dit is net 260 km noord van die Oregon Trail geleë - het die Palouse in die laat 19de eeu vinnige groei ervaar toe baie setlaars hulle hier as graanboere gevestig het. Op een tydstip het sy bevolking getallegewys selfs by dié van die digbevolkte Puget Sound-gebied verbygesteek om die mees bevolkte streek van die deelstaat Washington te word.[1] So is die bevolking van Walla Walla volgens die sensus van 1880 as 3 588 bepaal - iets meer as dié van Seattle met 3 533.

Vir die grootste deel van sy gedokumenteerde geskiedenis is die Palouse met graan en peulgroente vereenselwig en het sy rooi skure ikoniese simbole van die gebied geword wat as een van die vrugbaarste landboustreke in die Verenigde State beskou word.

Verwysings[wysig | wysig bron]

  1. D. W. Meinig: The Great Columbia Plains: A Historical Geography, 1805-1910. Seattle: University of Seattle Press 1968 (Hersiene uitgawe 1995), bl. 248

Eksterne skakels[wysig | wysig bron]