Moscow, Idaho

in Wikipedia, die vrye ensiklopedie
Jump to navigation Jump to search
City of Moscow
Stad
Moscow, ID.jpg
Byname: 
Berkeley of Idaho
City of Moscow is in die Verenigde State
City of Moscow
City of Moscow
Koördinate: 46°43′54″N 116°59′50″W / 46.73167°N 116.99722°W / 46.73167; -116.99722Koördinate: 46°43′54″N 116°59′50″W / 46.73167°N 116.99722°W / 46.73167; -116.99722
LandVlag van Verenigde State van Amerika Verenigde State
DeelstaatFlag of Idaho.svg Idaho
CountyLatah County
Regering
 • TipeBurgemeester en stadsraad
 • BurgemeesterBill Lambert
Oppervlak
 • Totaal17,77 km2 (6,86 vk. myl)
Hoogte
786 m (2 579 ft)
Bevolking
 • Totaal25 766
 • Digtheid1 426/km2 (3 693/vk. m.)
TydsoneUTC-8 (PST)
 • SomertydUTC-7 (PDT)
Poskode (ZIP code)
83843
Skakelkodes208
WebwerfCity of Moscow

Moscow [ˈmɒskoʊ] is 'n stedelike nedersetting in die noorde van die Amerikaanse deelstaat Idaho, naby die grens met Washington, met 'n bevolking van 23 800 volgens die sensus van 2010 (wat in 2018 op 25 766 beraam is). Dit is die administratiewe setel van die distrik Latah County (die enigste in die hele Verenigde State wat deur 'n Kongreswet geskep is[1]) en ook sy grootste nedersetting. Saam met Pullman in Washington dien Moscow as ekonomiese spilpunt vir die Palouse-streek waar hoofsaaklik graan en groentes verbou word. Die twee nedersettings word deur die deelstaatroete 270 (State Highway 270) met mekaar verbind en deel 'n streekslughawe, Pullman-Moscow Regional Airport, wat sowat sewe myl buite Moscow geleë is.

Moscow (aan die regterkant van die foto) is digby die grens met Washington geleë. Weens die gevorderde graad van ekonomiese integrasie met aangrensende gebiede in Washington deel Moscow, soos die hele noorde van Idaho (die sogenaamde Idaho Panhandle), die Pasifiese Standaardtydsone met sy westelike buurstaat

Moscow en sy omgewing is oorspronklik deur die Palus-stam bewoon, 'n Eerste Nasie wat bekendheid verwerf het as bekwame ruiters en die naamgewer sou word vir die Palouse-streek. Hierdie gebied is in die vroeë 1850's vir die bou van 'n spoorweg opgemeet deur die eerste territoriale goewerneur van Washington, Isaac Stevens. Die eerste Amerikaanse setlaars het hulle in 1871 in die gebied kom vestig om 'n plaas te vestig of om landbougrond van die owerheid te koop. Die vroeë nedersetting is deur sy bewoners Paradise Valley genoem.

Om verwarring met 'n reeds bestaande gelyknamige nedersetting in die Idaho-territorium te voorkom, is die dorp hernoem as Moscow. Volgens oorlewering het die plaaslike posmeester Samuel Neff hierdie naam gekies omdat die nedersetting hom aan sy geboortedorp Moscow in Pennsilvanië herinner het. In 1875 is die eerste general store of algemene winkel geopen langs die pad wat later Moscow se hoofstraat (Main Street) sou word.

Die koms van die Oregon Railway and Navigation Company se spoorweg in 1885 het van Moscow 'n railroad boom town gemaak - 'n nedersetting wat sy vinnige groei aan 'n spoorweglyn te danke het. Die nedersetting is reeds twee jaar later geïnkorporeer en het, met die stigting van die administratiewe distrik Latah County in die volgende jaar, die distriksetel geword. Een jaar later, in 1889, is Moscow as die plek vir die stigting van 'n sogenaamde land-grant university gekies - 'n tersiêre onderwysinstelling wat volgens die sogenaamde Morrill-wette van 1862 en 1890 op federale grond gevestig is om (aanvanklik as kollege) hoër onderwys in vakke soos landboukunde, natuur-, militêre en ingenieurswetenskappe te bevorder, alhoewel daar ook voorsiening gemaak kon word vir klassieke studies. Die kollege het verdere groei bevorder en van Moscow die belangrikste handelsplek en grootste nedersetting in die Latah-distrik gemaak.

Die meeste kolleges, wat met federale landskenkings tot stand gekom het, het later tot groot openbare tersiêre onderwysinstellings gegroei, so ook die in Moscow wat vandag as die Universiteit van Idaho bekend staan. In 1890 is Idaho as 43ste deelstaat tot die Unie toegelaat.[2]

Verwysings[wysig | wysig bron]

  1. Julie R. Monroe: Images of America - Latah County. Charleston SC, Chicago IL, Portsmouth NH, San Francisco CA: Arcadia Publishing 2006, bl. x
  2. History.com: This Day in History - July 3, 1890: Idaho becomes 43rd state. Besoek op 28 April 2020

Eksterne skakels[wysig | wysig bron]

Toerisme