Patriarg Joasaf II van Moskou

Patriarg Joasaf II
Kerk	Russies-Ortodokse Kerk
Setel	Moskou
Termyn	10 Februarie 1667 – 11 Februarie 1672
Russies	Иоасаф II
Kerkampte
Voorganger	Patriarg Nikon
Opvolger	Patriarg Pitirim
Persoonlike besonderhede
Gebore	?
Oorlede	11 Februarie 1672
Portaal    Rusland

Joasaf II (Russies: Иоасаф II; ? – 1672) was van 1667 tot met sy dood vyf jaar later die sewende Russies-Ortodokse patriarg van Moskou en die hele Rusland.

Joasaf was van 1654 tot 1656 verbonde aan die Rozjdestwenski-klooster in Wladimir en daarna aan die Drie-eenheid-klooster van Sint Sergei buite Moskou. In 1666 was hy deel van die kerklike raad wat patriarg Nikon verhoor en afgedank het, hoewel hulle ook sy hervormings goedgekeur het wat tot die skeuring in die Russies-Ortodokse Kerk en die ontstaan van die Ougelowiges gelei het.

Joasaf is op 10 Februarie 1667 verkies tot patriarg. Hy is op 11 Februarie 1672 dood en is in die Moskouse Kremlin begrawe.

Eksterne skakels

• Biografie Geargiveer 29 September 2007 op Wayback Machine (ru)