Peacerivier

in Wikipedia, die vrye ensiklopedie
Jump to navigation Jump to search
Peacerivier
Die Peacerivier in Brits-Columbië.
Die Peacerivier in Brits-Columbië.
Peace River Watershed.png
Die stroomgebied van die Peacerivier.
Oorsprong Saamvloei van Finlay- en Parsniprivier by die Willistonmeer (Brits-Columbië, Kanada)
Monding Saamvloei met die Athabascarivier naby die Athabascameer, Alberta, Kanada
Slawerivier
Stroomgebied Alberta en Brits-Columbië (Kanada)
Lengte 1 923 km (1 195 myl)
Oorspronghoogte 748 m (2 454 vt)
Mondinghoogte 205 m (673 vt)
Gemiddelde afloop 2 110 m³/s (75 000 vt³/s)[1]
Stroomgebiedopp. 306 000 km² (118 000 myl²)[2]

Die Peacerivier (Engels: Peace River; Frans: rivière de la Paix; letterlik: "Vredesrivier") is 'n groot noordoos-vloeiende rivier in Kanada. Die Peacerivier het 'n lengte van 1 923 km en vloei deur die Kanadese provinsies Alberta en Brits-Columbië. Die Peacerivier vorm ná sy saamvloei met die Athabascarivier die Slawerivier, een van die Mackenzierivier se sytakke. Die Finlayrivier, die hoofbron van die Peacerivier, word as die uiterste bron van die Mackenzierivier beskou. Die volledige Finlay-Peace-Slawe-Mackenzie-rivierstelsel is die 13dte grootste rivierstelsel wêreldwyd.

Die Peacerivier gedurende herfs

Die Peacerivier ontstaan uit die saamvloei van die Finlay- en Parsnipriviere by die Willistonmeer in Brits-Columbië, vloei in 'n oostelike rigting en bereik die provinsie Alberta. Verder oos begin die rivier in 'n noordoostelike rigting vloei en dan weer in 'n oostelike rigting, voordat dit naby die Athabascameer met die Athabascarivier saamvloei om die Slawerivier, 'n sytak van die Mackenzierivier te vorm.

Die Peacerivier het sy naam te danke aan 'n vredesverdrag wat aan dié rivier se oewer tussen die Danezaa en die Cree, ná jare se oorlog tussen hulle, in 1781 gesluit is. Die vredesverdrag is deur die rook van 'n seremoniële vredespyp gevier. Met die verdrag het die Peacerivier 'n grens geword met die Danezaa teen noorde en die Cree teen suide.[3]

Die Peacerivier is ook bekend vir die eerste deurkruising van Noord-Amerika noord van Meksiko wat Alexander Mackenzie in 1793 na die Stille Oseaan onderneem het.

Verwysings[wysig | wysig bron]

  1. (en) "Peace River at Peace Point". R-ArcticNet. 1959–2000. Besoek op 8 Oktober 2010.
  2. (en) Bennett, R.M.; Card, J.R.; Hornby, D.M. (9 Maart 1973). "Hydrology of Lake Athabasca: Past, Present and Future" (PDF). Hydrological Sciences Bulletin, XVIII. International Association of Hydrological Science. Geargiveer vanaf die oorspronklike (PDF) op 16 Mei 2013. Besoek op 8 Oktober 2010.
  3. (en) Coutts, M. E. (1958). Dawson Creek: Past and Present, An Historical Sketch. Edmonton: Dawson Creek Historical Society.

Eksterne skakels[wysig | wysig bron]