Mackenzierivier

in Wikipedia, die vrye ensiklopedie
Jump to navigation Jump to search
Mackenzierivier
Die Mackenzierivier in Augustus 2009.
Die Mackenzierivier in Augustus 2009.
Mackenzierivermap.jpg
Die stroomgebied van die Mackenzierivier.
Oorsprong Groot Slawemeer, Fort Providence, Noordwestelike gebiede (Kanada)
Monding wes van Tuktoyaktuk, Noordwestelike gebiede, Kanada
Beaufortsee
Stroomgebied Noordwestelike gebiede (Kanada)
Lengte 1 738 km (1 080 myl)
Oorspronghoogte 156 m (512 vt)
Mondinghoogte 0 m (0 vt)
Gemiddelde afloop 9 910 m³/s (349 968 vt³/s)[1]
Stroomgebiedopp. 1 805 200 km² (696 992 myl²)[2]
Kaart van die Mackenzierivier-bekken in Noord-Amerika.
Kaart van die Mackenzierivier-bekken in Noord-Amerika.

Die Mackenzierivier (Engels: Mackenzie River, Frans: Fleuve [de] Mackenzie; Slavey: Deh-Cho, [tèh tʃʰò], letterlik: "groot rivier"; Inuvialuktun: Kuukpak, [kuːkpɑk], letterlik: "groot rivier") is 'n groot noordwes-vloeiende rivier in Kanada. Die Mackenzierivier het 'n lengte van 1 738 km en is die langste rivier wat geheel en al deur Kanada vloei asook in die Arktiese Oseaan uitmond. Daarbenewens is dit na die Mississippirivierstelsel die tweede grootste rivierstelsel in Noord-Amerika. Die Mackenzierivier is genoem na die Skotse ontdekkingsreisiger Alexander Mackenzie, wie die rivier se monding op 14 Julie 1789 bereik het.

Nasa-Satellietbeeld van die Mackenzierivier se delta

Die Mackenzierivier ontspring in die Groot Slawemeer in Kanada se Noordwestelike gebiede en vloei in 'n noordelike rigting net wes van die Groot Beremeer, voordat dit in 'n uitgestrekte delta wes van Tuktoyaktuk in die Beaufortsee, 'n see van die Arktiese Oseaan, uitmond.[3] Die rivier se bekken is die grootste in Kanada en streek oor sowat 1 805 200 km², byna 20% van die land se oppervlakte en bykans so groot soos die eilandstaat Indonesië.[2]

Die Finlayrivier, die hoofbron van die Peacerivier, word as die uiterste bron van die Mackenzierivier beskou. Die volledige Finlay-Peace-Slawe-Mackenzie-rivierstelsel is die 13de grootste rivierstelsel wêreldwyd. Die volledige Mackenzierivierstelsel sluit riviere soos Athabascarivier, Peacerivier en Slawerivier, asook mere soos Athabascameer, Groot Beremeer en Groot Slawemeer in.

Verwysings[wysig | wysig bron]

  1. (en) "Whole Basin overview" (PDF). Mackenzie River Basin: State of the Aquatic Ecosystem Report 2003. Saskatchewan Watershed Authority. pp. 15–56. Geargiveer vanaf die oorspronklike (PDF) op 4 Maart 2016. Besoek op 10 Februarie 2015.
  2. 2,0 2,1 (en) "Rivers". The Atlas of Canada. Natural Resources Canada. Geargiveer vanaf die oorspronklike op 22 Januarie 2013. Besoek op 10 Februarie 2015.
  3. (en) "NRCAN Topo Maps for Canada". ACME Mapper. Besoek op 10 Februarie 2015.

Eksterne skakels[wysig | wysig bron]