Pecorino
| Pecorino | ||
| ||
| Oorsprong |  Italië
| |
| Melkbron | Skape | |
| Eienskappe | ||
| Tekstuur | Hard | |
Pecorino is ’n groep harde Italiaanse kase wat van ooimelk gemaak word. Die naam kom van die Italiaanse woord pecora, "skaap".[1] Dit is lekker saam met enige wyn.[2]
Van die ses hoofvariëteite, wat almal deur wetgewing van die Europese Unie beskerm word, is pecorino romano moontlik die bekendste buite Italië.[3] Die meeste kase word op die eiland Sardinië vervaardig, hoewel dit ook in Lazio en die Toskaanse provinsies Grosseto en Siena (hier veral in Pienza) gemaak mag word. Antieke Romeinse skrywers het reeds oor die kaas en die vervaardigingstegniek geskryf.[4]
Die vyf ander beskermde beleë kase is pecorino sardo, pecorino toscano (wat Plinius die ouere reeds in sy Natuurgeskiedenis genoem het),[5] pecorino siciliano, pecorino di filiano[6] en pecorino crotonese.[7]
Style
[wysig | wysig bron]Al die kase word in ’n verskeidenheid style gemaak wat afhang van hoe lank hulle verouder het. Die meer beleë kase word stagionato genoem en is harder, maar steeds krummelrig; hulle het botterige en neuterige smake. Die twee ander soorte, semi-stagionato en fresco, het ’n sagter tekstuur en matiger smaak.
Verwysings
[wysig | wysig bron]- ↑ pecorino, n. OED Online. Desember 2013. Oxford University Press. Accessed 7 Januarie 2014.
- ↑ South Africa Outdoors, Alles oor kaas[dooie skakel]
- ↑ Export statistics Geargiveer 28 September 2007 op Wayback Machine from the producers’ consortium
- ↑ Italian Pecorino and Ancient Roman
- ↑ Pecorino Toscano Consortium for the Protection of Tuscan Pecorino ((it) )
- ↑ "Guide to PDO and PGI products: Pecorino of Filiano". Geargiveer vanaf die oorspronklike op 28 Desember 2021. Besoek op 17 September 2017.
- ↑ "argiefkopie". Geargiveer vanaf die oorspronklike op 11 Mei 2017. Besoek op 17 September 2017.
Eksterne skakels
[wysig | wysig bron]
Wikimedia Commons het meer media in die kategorie Pecorino.
Hierdie artikel is vertaal uit die Engelse Wikipedia
