Pentade

in Wikipedia, die vrye ensiklopedie
Jump to navigation Jump to search

’n Sontermyn is een van 24 punte op tradisionele Oos-Asiatiese maansonkalenders wat met ’n spesifieke astronomiese voorval ooreenstem of op ’n natuurlike verskynsel dui.[1] Elke sontermyn word in drie pentades verdeel. Daar is dus 72 pentades in ’n jaar. Omdat die son se spoed deur die jaar wissel na gelang van die afstand tussen die son en die aarde, verskil die getal dae wat die son tussen sontermyne beweeg. Daarom wissel die lengte van pentades tussen vyf en ses dae. Die pentades word gewoonlik genoem na verskynsels wat met dié tyd ooreenstem.

Voorbeeld[wysig | wysig bron]

Die pentades van chunfen is:

China
  • Eerste pentade: Die donker voëls arriveer (玄鳥至). Dit verwys na swaeltjies wat noordwaarts migreer.[2]
  • Tweede pentade: Donderende klanke (雷乃發聲). Dit verwys na die begin van die lente se donderstorms.[2]
  • Laaste pentade: Weerlig begin (始電). Benewens die donderstorms verwys dit ook na die dae wat langer word en die son wat skyn.[2]
Japan
  • Eerste pentade: Die swaeltjie begin ’n nes bou (雀始巣; Suzume hajimete sukuu).[3]
  • Tweede pentade: Kersiebloeisels begin oopgaan[3] (桜始開; Sakura hajimete hiraku).
  • Laaste pentade: Die begin van die veraf donderweer (雷乃発声; Kaminari sunawachi koeo hassu).[3]

Verwysings[wysig | wysig bron]

  1. 24 Chinese Feasts (Jiéqì, 节气), equivalent to the 24 Chinese Solar Terms”. Chinese calendar. asia-home.com.
  2. 2,0 2,1 2,2 Kondō Heijō (近藤瓶城), red. (1901). 新加纂録類 (Shinka Sanrokurui). 改定史籍集覧 (Kaitei Shiseki Shūran). 19. (Meiji 34). Tokio: 近藤活版所 (Kondō Kappansho). p. 110. 
  3. 3,0 3,1 3,2 Fujisawa, Morihiko (1961). 年中行事編 (Nenjū Gyōjihen). 図説日本民俗学全集 (Zusetsu Nihon Minzokugaku Zenshū). 7. Tokyo: Akane Shobō. p. 103.