Penwortel

in Wikipedia, die vrye ensiklopedie
Jump to navigation Jump to search
Witlof of Sigorei is ´n voorbeeld van 'n plant met 'n penwortel

'n Penwortel is 'n sterk hoofwortel wat by 'n aantal plante voorkom. Dit groei reguit na benede.

By boomsoorte soos denne, eikebome en es anker die wortel die boom en verseker dit dat die plant water en voedingstowwe uit die dieper grondlae kan trek. Ander plante maak 'n sterk, verdikte penwortel vir die berging van voedsel. Penwortels kom voor by eenjarige en meerjarige plante. Afhangende van die plantsoort kan die vorm van die wortel baie verskil. Die wortel kan van kort tot baie lang wees. Dit kan rond, konies of silindervormig wees.

'n Aantal penwortels word as as voedsel vir mens of dier gebruik. Voorbeelde hiervan is wortels en beetsoorte. In verdikte wortels kan belangrike voedingstowwe voorkom soos sukrose (in suiker beet) en inulien en fruktose (in sigorei).

By 'n aantal plantsoorte, soos die perdeblom, kan 'n stuk van die penwortel 'n nuwe plant vorm. Die plant kan homself dus so vermeerder.

Penwortel van 'n jong boom

Literatuur[wysig | wysig bron]

  • Van der Schyff, H.P.: Algemene Plantkunde, 5de Uitgawe, J.L. van Schaik, 1987.
  • ISBN 0-627-01347-3