Gaan na inhoud

Peter Lavelle

in Wikipedia, die vrye ensiklopedie
Peter Lavelle
Gebore28 Februarie 1961
NasionaliteitAmerikaans
Alma materUniversiteit van Kalifornië, Davis (BA, MA, PhD)
BeroepJoernalis
Bekend virCrossTalk

Peter John Lavelle (gebore 28 Februarie 1961) is 'n Amerikaanse joernalis en gasheer van CrossTalk, 'n politiese geselsprogram op die Engelstalige Russiese televisiekanaal RT. Lavelle is oorspronklik van Beverly Hills, Kalifornië maar woon tans in Moskou.[1]

Biografie[wysig | wysig bron]

Lavelle het 'n BA-graad in Internasionale Ekonomiese Betrekkinge, 'n meestersgraad in Europese Geskiedenis, en 'n doktorsgraad in Europese Ekonomiese Geskiedenis aan die Universiteit van Kalifornië, Davis, verwerf. Hy was 'n Fulbright navorsingsgenoot aan die Instituut van Politiese Studies van die Poolse Akademie van Wetenskappe in Warskou, Pole. [2] Hy woon reeds vir meer as 30 jaar in Oos-Europa en Rusland. Hy was werksaam as 'n lektor aan die Universiteit van Warskou, as 'n marknavorser vir Colgate-Palmolive, en as 'n beleggingsanalis vir makelaarsfirmas, insluitende die Russiese Alfa Bank.[2]

Hy was 'n vryskutjoernalis vir United Press International se Moskouse buro en het bydrae gemaak tot Radio Free Europe/Radio Liberty.[3] Lavelle was ook die outeur van Untimely Thoughts, 'n elektroniese nuusbrief.[1]

Verwysings[wysig | wysig bron]

  1. 1,0 1,1 "Pravda.ru Interview: Some "Untimely Thoughts" from an Outsider Looking in". Center for Defense Information. 18 Julie 2003. Geargiveer vanaf die oorspronklike op 6 September 2009. Besoek op 25 Januarie 2009.
  2. 2,0 2,1 "Peter Lavelle". FutureBrief.com. Geargiveer vanaf die oorspronklike op 10 Augustus 2020. Besoek op 21 Februarie 2020.
  3. Rutenberg, Jim (13 September 2017). "RT, Sputnik and Russia's New Theory of War". The New York Times. Besoek op 21 Februarie 2020.

Eksterne skakels[wysig | wysig bron]