Polikarpof I-15

in Wikipedia, die vrye ensiklopedie
Jump to navigation Jump to search
Polikarpof I-15
Polikarpov I-15bis.jpg
Polikarpof I-15bis
Tipe Vegvliegtuig
Vervaardiger Polikarpof
Nooiensvlug Oktober 1933
Status Onttrek
Vervaardig 1934 - 1937
Aantal gebou 3 313
Die Polikarpof I-15 tydens 'n vertoonvlug

Die Polikarpof I-15 is 'n Russiese dubbeldekker vegvliegtuig wat in die vroeë 1930's ontwikkel is. Dit is ontwikkel vanaf die Polikarpof I-5. Dit het ook in die eerste twee jaar van die Tweede Wêreldoorlog diens gedoen aan verskeie fronte. Die prototipe, TsKB-3, het sy nooiensvlug in Oktober 1933 voltooi en produksie het in 1934 begin en vir drie jaar geduur. Die Polikarpof I-15 was ook gebruik deur die Republikeine gedurende die Spaanse Burgeroorlog waar dit die bynaam Chato (platneus) gekry het.

Die eerste vliegtuie het in Oktober 1936 in Spanje gearriveer en gou 'n reputasie as 'n formidable vegter opgebou. Die Spaanse Regering het ook 287 eenhede van die vliegtuig gebou onder lisensie en die vliegtuie het in die hande van die Nasionaliste geval toe die oorlog tot 'n einde gekom het in Maart 1939. Die verbeterde I-15bis is vroeg in 1937 getoets; die masjienkap was langer omrede dit met 'n kragtiger enjin toegerus was. Die onderstel was ook bedek met vaartbelynde vorms. Daar was meer as 2,400 eenhede gebou teen die tyd dat produksie tot 'n einde gekom het in 1939. Teen hierdie tyd was die vliegtuig ook reeds in aksie teen Japan in Mantsjoerye. Hier het die vliegtuig soms tweede viool gespeel teen sommige van die Japannese monovlerk vliegtuie. Teen die middel van 1941 was daar nog meer as 1000 van die vliegtuie in diens van die Sowjet Lugmag. Hulle was egter net gebruik vir grondaanvalle. Teen 1942 was die vliegtuig slegs gebruik vir grondaanvalle.

Die I-15bis was ook gebruik teen Finland tydens die Winteroorlog. 'n Paar het ook in Spanje diens gedoen en is die Superchato genoem.

Tegniese besonderhede[wysig | wysig bron]

Besonderhede van die Polikarpof I-15bis:
Item Statistiek
Aantal motors 1
Tipe motor Skroef
Vervaardiger M-25V stermotor
Kraglewering per motor 775 perdekrag
Vlerkspan 10,2 m
Lengte 6,27 m
Hoogte 2,19 m
Vlerkoppervlakte 22,53 m2
Maksimum opstygmassa 1 900 kg
Maksimum snelheid 370 km/h
Operasionele hoogte 9 500 m
Togafstand 530 km
Klimvermoë 765 m per minuut
Bewapening Vier 7 ,62 mm-masjiengewere
met maksimum bomvrag van 150 kg.

Sien ook[wysig | wysig bron]

Bron[wysig | wysig bron]