Potchefstroom Koekoek

in Wikipedia, die vrye ensiklopedie
Jump to navigation Jump to search

Die Potchefstroom Koekoek is ’n Suid-Afrikaanse hoenderras [1] wat in die 1960’s aan die Potchefstroomse Landboukollege in die stad van Potchefstroom deur professor Chris Marais ontwikkel is. Dit is uit kruisings tussen die Swart Australorp,[2] en Wit Leghorn,[2] om spesifieke eienskappe van elk te behou en in die proses die ras meer geskik te maak vir Suid-Afrikaanse omstandighede, en die verekleur stem ooreen met die gestreepte Plymouth Rock.[3] Die hoenderras is later deur P.J. Serfontein en J.P. Botha verbeter.[3]

Die ras is as ’n dubbeldoel, vrylopende hoender bestem met uitstekende lê-kwaliteite, asook ’n liggaamstruktuur geskik vir vleisproduksie. Opregte Koekoeke het uitsluitlik ’n swart-en-wit gestreepte (“barred”) vering, heldergeel bene en snawel, en ’n bloedrooi kam. Die kuikens se geslag kan op ’n jong ouderdom reeds bepaal word te danke aan unieke geslagskenmerke. Potchefstroom koekoeke is ook bekend daarvoor dat hulle goed lê, ten spyte van swak kwaliteit of nie-genoegsame voeding.[4]

Sien ook[wysig | wysig bron]

Verwysings[wysig | wysig bron]

  1. "SOUTH AFRICAN COUNTRY REPORT ON FARM ANIMAL GENETIC RESOURCES" (PDF). Departement van Landbou, Bosbou en Visserye (Suid-Afrika). 2006. p. 19. Besoek op 23 Junie 2011. Onbekende parameter |month= geïgnoreer (help)
  2. 2,0 2,1 "Potchefstroom Koekoek". Departement van Landbou, Bosbou en Visserye (Suid-Afrika). Besoek op 23 Junie 2011.
  3. 3,0 3,1 Ensiklopedie van die wêreld. Ed. C.F. Albertyn. Stellenbosch: C.F. Albertyn (Edms.) Beperk. 
  4. "The indigenous poultry breeds of SA". Landbounavorsingsraad (Suid-Afrika). Besoek op 23 Junie 2011.