Presbiteriaanse Kerk in Ierland

in Wikipedia, die vrye ensiklopedie
Spring na: navigasie, soek

Die Presbiteriaanse Kerk in Ierland (Engels: Presbyterian Church in Ireland, kort PCI; Iers: Eaglais Phreispitéireach in Éirinn, Ulster-Skots: Prisbytairin Kirk in Airlann) is die grootste Presbiteriaanse denominasie in Ierland en die grootste Protestantse denominasie in Noord-Ierland. Soos die meeste ander Christelike kerke is dit op 'n gesamentlike grondslag vir die hele eiland georganiseer, in beide Noord-Ierland en die Republiek van Ierland. Die Presbiteriaanse Kerk het sowat 240 000 lidmate.

Die Presbiteriaanse Kerk in Ierland is in 1840 gestig met die samesmelting van twee Presbiteriaanse kerke, die General Synod of Ulster en die Secession Synod, tydens die eerste Algemene Vergadering van die Presbiteriaanse Kerk in Ierland in Belfast op 10 Julie 1840.

Ierse Presbiterianisme het sy oorsprong in die Skotse migrasiegolwe na Ulster in die vroeë 17de eeu. Die oudste gemeente in Noord-Ierland is die Presbiteriaanse Kerk van Ballycarry wat in 1613 gestig is. Die jongste, die Presbiteriaanse Kerk Donabate in die graafskap Dublin, is in 2010 gevestig.[1]

Verwysings[wysig | wysig bron]

Eksterne skakels[wysig | wysig bron]