Rabelaisdam
| Rabelaisdam | |
|---|---|
| Ligging | Sentrale Krugerwildtuin |
| Provinsie/Land | Mpumalanga, Suid-Afrika |
| Koördinate | 24°27′31″S 31°29′56″O / 24.45858°S 31.49891°OKoördinate: 24°27′31″S 31°29′56″O / 24.45858°S 31.49891°O |
| Doel | Gewese natuurhabitat |
| Eienaar | SANParke |
Die Rabelaisdam is 'n voormalige natuurlike dam 10 kilometer oos van Orpenkamp in die Krugerwildtuin, Mpumalanga.
Dit was in die jare 1960 tot 1980's 'n pragtige waterbron waar wildtuinbesoekers vroegoggend reeds hul motors in rye parkeer het om die wild te aanskou wat kom water suip.
Die dam is tans slegs 'n opgedroogde pan met geen in- of uitvloei nie. SANParke, die voogdy van die wildtuin, het 'n kennisgewingbord daar opgerig wat die volgende noem:
- Die voormalige dam het in bogenoemde jare gevorm weens 'n natuurlike verskuiwing in die rigting van bestaande waterlope wat verder af teen 'n verhoogde grondwal gestuit is.
- Ten spyte van die natuurskoon en trekpleister vir alle soorte grootwild, kon die kwynende watervoorsiening nie deur die natuur alleen volhou word nie.
- Nadat navorsers van SANParke gevind het dat die dam se water besig is om te verhard met verskeie minerale en soute, omdat die dam (wat eintlik 'n pan is) nie 'n gereelde uitvloei gehandhaaf het nie,
- is daar besluit om nie die Rabelaisdam aan te vul uit boorgate en ander pogings nie, en dit aan sy lot oor te laat sodat die natuur sy gang kon gaan.
Die dam het uiteindelik in die jare 2000 totaal opgedroog. Heelparty droë, uitgegroeide bome is langs die pan te sien, wat eens op die dam se oewer floreer het.