Rasemiese mengsel

in Wikipedia, die vrye ensiklopedie
Spring na: navigasie, soek

In chemie is 'n rasemiese mengsel, of rasemaat een stofmengsel met gelyke hoeveelhede van links- en regshandige enantiomere van 'n chirale molekuul. Die eerste bekende rasemiese mengsel was "rasemiese suur", wat Louis Pasteur gevind het om 'n mengsel van die twee enantiomere van wynsteensuur te wees. 'n Mengsel met slegs 'n enkele enantiomeer is 'n enantiomeer suiwer mengsel.

Wanneer stowwe in 'n chemiese reaksie gevorm word wat 'n chirale molekuulstruktuur het, word meestal 'n rasemiese mengsel gevorm. Dit is egter nie die geval indien die reaksie met 'n katalisator versnel word wat self chirale eienskappe het nie. 'n Suiwer enantiomeer kan dan gevorm word. Dit is uiters belangrik in die biochemie. Ensieme is chirale katalisatore wat gewoonlik net een van die enantiomere van 'n molekuul vervaardig. Die ander een kan giftig wees.

Indien dieselfde stof sinteties vervaardig word, ontstaan egter dikwels 'n rasemaat wat ook die giftige enantiomeer bevat.