Ray Smith Bassler

in Wikipedia, die vrye ensiklopedie
Spring na: navigasie, soek

Ray Smith Bassler (22 Julie 1878 - 3 Oktober 1961) was 'n Amerikaanse geoloog en paleontoloog.

Bibliografie[wysig | wysig bron]

Bassler is in 1878 in Philadelphia in Pennsilvanië in die VSA gebore. Toe hy op hoërskool was, het hy fossiele vir Edward Oscar Ulrich verkoop. Hy het sy baccalaureusgraad in 1902 aan die Universiteit van Cincinnati, Ohio behaal, sy meestersgraad in 1903 en 'n Ph.D. in 1905 van die George Washington Universiteit. Vanaf 1904 tot 1948 was hy 'n assistent professor. Van 1905 tot 1931 het hy saam met Ferdinand Canu van Frankryk op Tersiêre Polyzoa van die Atlantiese Oseaan en Golfkus gewerk. Vanaf 1910 tot 1922 was hy werksaam as kurator vir die Afdeling Paleontologie, en vanaf 1923 tot 1928 vir die Stratigrafiese Paleontologie Afdeling van die Amerikaanse Nasionale Museum. Teen 1929 is hy aangestel as hoof kurator van die Departement Geologie, 'n werk wat hy behou het tot hy in 1948 bevorder is tot assosiaat in Paleontologie. Hy het in 1961 gesterf. [1]

In 1925 het hy die conodontfamilies Prioniodinidae en Polygnathidae beskryf. [2] In 1926 het hy en Edward Oscar Ulrich die conodont genus Ancyrodella beskryf. [3]

Verwysings[wysig | wysig bron]

  1. "Biography". Smithsonian Institution Archives. Verkry op April 20, 2012. 
  2. Classification and stratigraphic use of the conodonts. RS Bassler - Geological Society of America Bulletin, 1925
  3. A classification of the toothlike fossils, conodonts, with descriptions of American Devonian and Mississippian species. EO Ulrich and RS Bassler, 1926