Reggiane Re.2000

in Wikipedia, die vrye ensiklopedie
Jump to navigation Jump to search
Reggiane Re.2000
Caproni Reggiane RE.2000 2.jpg
Tipe Vegvliegtuig
Vervaardiger Reggiane
Ontwerp deur Roberto Longhi
Nooiensvlug 1938
Onttrek 1945, Swede
Status Onttrek
Hoofgebruikers Hongaarse Lugmag
Sweedse Lugmag
Luftwaffe
Regia Aeronautica
Aantal gebou 186

Die Reggiane Re.2000 was 'n Italiaanse vegvliegtuig wat deur die Italiaanse Lugmag gebruik was tydens die Tweede Wêreldoorlog. Die prototipe het sy nooiensvlug in 1938 onderneem. Die vliegtuig se ontwerp is beïnvloed deur die Amerikaanse ontwerpe van daardie tyd: die stomp, bonkige voorkant en toegerus met 'n stermotor.

Die Italiaanse Lugmag het die prototipe geïgnoreer maar die Italiaanse Vloot het die Series II en Series III bestel: eersgenoemde vir gebruik met 'n katapult en laasgenoemde vir langafstandvlugte. Die Hongaarse Lugmag het ook 'n klompie Re.2000's gekoop en later self daarvan laat bou onder lisensie. Hulle model was bekend as die Hejja (valk). Swede het ook 60 van die vliegtuig bestel vir die Sweedse Lugmag wat op hulle beurt die vliegtuig tot in 1945 bedryf het.

Reggiane Re.2001[wysig | wysig bron]

Die Reggiane Re.2001 was toegerus met 'n Duitse Daimler-Benz DB-601 inlynenjin. Die vliegtuig het bekend gestaan as die Ariete (ram). Maar Daimler-Benz moes egter fokus op vliegtuie vir die Luftwaffe en enjins van Alfa Romeo is later gebruik. Daar is 252 eenhede van die Reggiane Re.2001 met Alfa Romeo-enjins gebou met drie bewapeningvariasies. Behalwe die vegvliegtuig was daar ook 'n vegter-bomwerper en 'n nagvegvliegtuig. Die vegter-bomwerper is bekend as die Reggiane Re.2002.

Reggiane Re.2005[wysig | wysig bron]

Die Reggiane Re.2005 Sagittario was die laaste model in die Reggiane Re.2000 ontwikkelingslyn en word beskou as die beste Italiaanse vegvliegtuig van die Tweede Wêreldoorlog. Dit was aangedryf deur 'n inlynenjin en het sy nooiensvlug in September 1942 onderneem. Die produksie-eenhede was toegerus met DB 605 enjins wat onder lisensie gebou is.

Daar was slegs 48 Sagittarios gebou voor die Geallieerde magte die fabrieke in Italië beset het. Die Sagittario is gebruik om Napels, Rome en Sisilië te verdedig.

Tegniese besonderhede[wysig | wysig bron]

Besonderhede van die Reggiane Re.2005 Sagittario:
Item Statistiek
Aantal motors 1
Tipe motor Skroef
Vervaardiger Fiat RA.1050 RC.58 Tifone inlynenjin
Kraglewering per motor 1 475 perdekrag
Vlerkspan 11,00 m
Lengte 8,73 m
Hoogte 3,15 m
Vlerkoppervlakte 20,4 m2
Maksimum opstygmassa 3 560 kg
Maksimum snelheid 630 km/h
Operasionele hoogte 12 000 m
Togafstand 1 250 km
Klimvermoë 1 100 m per minuut
Bewapening Drie 20 mm kanonne
en twee 12,7mm masjiengewere.

Sien ook[wysig | wysig bron]

Bron[wysig | wysig bron]