Regiment Westelike Provincie

in Wikipedia, die vrye ensiklopedie
Regiment Westelike Provincie
Gestig 1 April 1934
Land Vlag van Suid-Afrika Suid-Afrika
Vlag van Suid-Afrika Suid-Afrika
Weermagdeel Suid-Afrikaanse Leër
Onderdeel van Suid-Afrikaanse Infanteriekorps
Tipe Infanterie
Spesialisasie Gemeganiseerde infanterie
Hoofkwartier Kaapstad
Aantal lede Een bataljon

Regiment Westelike Provincie is 'n reserwemagregiment in die Suid-Afrikaanse Infanteriekorps van die Suid-Afrikaanse Leër, met hoofkwartier in Kaapstad. Dit bestaan sedert 1934 en het 'n geskiedenis wat aktiewe deelname aan die Angola-veldtog (1975-76), die Grensoorlog, en die Noodtoestand insluit. Oor die jare is baie lede met dekorasies vereer. Sy leuse is Non nobis sed patriae ('Nie vir ons self nie, maar vir ons vaderland').

Geskiedenis (Chronologie)[wysig | wysig bron]

1930's

  • Regiment Westelike Provinsie word in 1934 in Stellenbosch gestig as deel van die heropbou van die burgermag na die Groot Depressie - militêre diens is destyds vrywillig.

1940's

  • Die meeste RWP-lede ondersteun nie Suid-Afrika se deelname aan die Tweede Wêreldoorlog nie en die regiment word dus nie gemobiliseer nie - diegene wat wel bereid is om aktiewe diens te verrig is in 1941 na die Suid-Afrikaanse Tenkkorps oorgeplaas.
  • RWP verhuis na Worcester in 1948.
  • RWP word in 1949 in 'n pantserregiment omskep.

1950's

  • Naam verander na 'Regiment Onze Jan' (ter ere aan Jan Hendrik Hofmeyr) in 1951.
  • Die vrywillige diensstelsel eindig - vanaf 1952 tot 1967 is burgers vir diensplig geloot.
  • In 1960 word ROJ weer 'n infanterieregiment, en sy naam word verander na 'Regiment Boland'.

1960's

  • Vanaf 1968 tot 1993 is burgermagdiens verpligtend ('nasionale diensplig').
  • 'n Tweede bataljon word in 1970 gestig - die eerste bataljon verhuis na Paarl.

1970's

  • Die twee bataljonne word in 1974 geskei: die eerste bataljon keer terug na die oorspronklike naam 'Regiment Westelike Provinsie' en verhuis na Kaapstad.
  • Angola-veldtog (1975-76) - aktiewe diens in Angola.
  • Grensoorlog - verskeie operasionele diensbeurte in noordelike Suidwes-Afrika en suidelike Angola.

1980's

  • Die naam word in 1983 verander deur die Afrikaans 'Provinsie' met die Nederlands 'Provincie' te vervang om te wys dat RWP hom as opvolger van verskeie 19de-eeuse vrywilligereenhede beskou.
  • Ontvang die Vryheid van Toegang tot die Stad Kaapstad in 1983.
  • Noodtoestand (1985-90) - verskeie keer vir binnelandse veiligheidsdienste opgeroep.

1990's

  • In 1994 word militêre diens weer vrywillig.
  • Toe die burgermag na 1994 in die reserwemag omskep is word RWP 'n reserwemageenheid.

Verwysings[wysig | wysig bron]

  • Bouch, R.J.. (1977). Infantry in South Africa 1652-1976.
  • Crook, L.A. (1994). 71 Motorised Brigade