1934

Die jaar 1934 was 'n gewone jaar wat volgens die Gregoriaanse kalender op 'n Maandag begin het. Dit was die 34ste jaar van die 20ste eeu n.C. Soos ander gewone jare het die jaar 12 maande, 52 weke en 365 dae gehad.

Gebeure

• 10 Januarie – Teregstelling van Marinus van der Lubbe wat die Reichstag op 27 Februarie die vorige jaar aan die brand gesteek het.
• 17 Januarie – Jacobus Jonker, ’n delwer op die plaas Elandsfontein naby Pretoria, vind die vierde grootste diamant tot nog toe (ongeslyp 726 karaat), die Jonker-diamant.
• 29 Januarie – Oos-Londen se Afrikaanse gemeenskap kry sy eie hoërskool, die Hoërskool Grens.
• 1 Februarie – Suid-Afrikaanse Lugdiens, Suid-Afrika se nasionale lugredery, kom tot stand.
• 1 Maart – Manchuria word Manchukuo.
• 6 April – Rudyard Kipling en William Butler Yeats ontvang die Gothenburg Prys vir digkuns.
• 23 Mei – FBI agente skiet die bank rowers Bonnie en Clyde naby hulle wegkruip plek in Black Lake, Louisiana.
• 27 Mei-10 Junie – Die tweede FIFA Sokker-Wêreldbekertoernooi word in Italië gespeel, wat deur dié land gewen word.
• 9 Junie - Donald Duck het sy nooiensoptrede in Silly Symphony se tekenprent The Wise Little Hen.
• 30 Junie – Nag van die lang messe (Duits: Nacht der langen Messer)- Nazis reinig die Sturmabteilung.
• 25 Julie – Oostenrykse Nazis vermoor kanselier Engelbert Dollfuss gedurende 'n mislukte staatsgreep.
• 2 Augustus – Adolf Hitler word die leier van Duitsland.
• 21 September – Tifoon in Honshu, Japan – 4000 sterftes.
• 16 Oktober – Die lang marsjeertog van die Chinese kommuniste begin.
• 13 November – Die Italiaanse regering bepaal dat onderwysers 'n militêre uniform of partyuniform moet dra in klaskamers.
• 1 Desember – Die Groot Suiwering begin in Rusland.
• 27 Desember – Persië word Iran.

Geboortes

• 20 Januarie – Hennie Aucamp, Afrikaanse skrywer († 2014).
• 7 Februarie – Rona Rupert, Afrikaanse kinderboekskrywer († 1995).
• 15 Februarie – Tjaart van der Walt, 'n rektor van die Universiteit van Potchefstroom († 2019).
• 9 Maart – Joeri Gagarin, Russiese ruimtevaarder en die eerste mens wat om die aarde gewentel het († 1968).
• 14 Maart – Eugene Cernan, Amerikaanse ruimtevaarder († 2017).
• 23 Maart – Martin Pelser, Springbokrugbyspeler († 2018).
• 6 April – Willie Toweel, voormalige Suid-Afrikaanse bokskampioen († 2017).
• 8 Mei – Nelie Smith, Suid-Afrika se een-en-dertigste Springbokkaptein († 2016).
• 14 Junie - Mieke Telkamp, Nederlandse sangeres († 2016).
• 18 Junie – Wilf Rosenburg, 'n Springbokrugbyspeler († 2019).
• 21 Junie – Wulf Kirsten, Duitse digter, skrywer en uitgewer.
• 14 Julie – PG du Plessis, Afrikaanse skrywer († 2017).
• 8 Augustus – Sam Nzima, Suid-Afrikaanse fotojoernalis († 2018).
• 31 Augustus – Raymond Buckland, Brits-gebore Amerikaanse skrywer († 2017).
• 21 September – Leonard Cohen, Kanadese sanger, liedjieskrywer, musikant, digter en romanskrywer († 2016).
• 28 September – Brigitte Bardot, Franse aktrise, fotomodel, sangeres en aktivis vir diereregte.
• 8 Oktober – Kader Asmal, voormalige Suid-Afrikaanse kabinetsminister († 2011).
• 7 November – Wille Martin, Afrikaanse skryfster († 2016).
• 9 November – Carl Sagan, Amerikaanse sterrekundige, astrofisikus, kosmoloog en skrywer († 1996).
• 13 November – Garry Marshall, Amerikaanse akteur.
• 24 November – Alfred Schnittke, Sowjet-Duitse komponis († 1998).
• 9 Desember – Judi Dench, Britse aktrise.
• Onbekend – Khaled al-Asaad, Siriese argeoloog († 2015).

Sterftes

• 23 Februarie – Edward Elgar, Engelse komponis (* 1857).
• 27 Maart – Francis William Reitz, President van die Vrystaat (* 1844).
• 21 Junie – Thorne Smith, Amerikaanse skrywer (* 1892).
• 4 Julie – Marie Curie, Poolse wetenskaplike en ontvanger van die Nobelprys vir Chemie, 1911 en Fisika, 1903 (* 1867).
• 15 Oktober – Sydney Charles Buxton, Britse politikus en tweede Goewerneur-generaal van Suid-Afrika (1914–1920) (* 1853).