Rho Ophiuchi

in Wikipedia, die vrye ensiklopedie
Jump to navigation Jump to search
ρ Ophiuchi
Sterrebeeld Slangdraer
Spektraaltipe B2/3V + B2V[1]
Soort Veelvoudige ster
Waarnemingsdata (Epog J2000)
Regte klimming 16h 25m 35.11766s[2]
Deklinasie -23° 26′ 49.8150″[2]
Skynmagnitude (m) 4,63[3]
B-V-kleurindeks  +0,24 (AB)[4]
U-B-kleurindeks  -0,56 (AB)[4]
Besonderhede
Komponent 1 ρ Oph AB
Absolute magnitude (M) -2,5 ± 0,3[5]
Komponent 2 ρ Oph C
Komponent 3 ρ Oph DE
Ander name
Portaal  Portaalicoon   Sterrekunde

Rho Ophiuchi (ρ Ophiuchi) is ’n veelvoudige ster in die sterrebeeld Slangdraer. Die sentrale stelsel van die kompleks het ’n skynbare magnitude van 4,63.[3] Gebaseer op die sentrale stelsel se parallaks is dit sowat 360 ligjare (110 parsek) van die Son af.[2] Die ander sterre in die stelsel is effens verder geleë.[6]

Stelsel[wysig | wysig bron]

Die ρ Ophiuchi-streek (N is onder): Antares is die heldergeel ster, σ Scorpii die rooi ster en Messier 4 die bolswerm tussenin. ρ Ophiuchi is die twee sterre in die blou newelagtigheid naby die middel van die foto.

Die middelste twee sterre is bekend as Rho Ophiuchi AB. Dit bestaan uit minstens twee blou subreuse of hoofreekssterre, onderskeidelik Rho Ophiuchi A en B.[6] Rho Ophiuchi AB is ’n visuele dubbelster en is skynbaar 3,1″ van mekaar af, wat ooreenstem met minstens 344 astronomiese eenhede (AE).[6] Die sterre is in werklikheid verder van mekaar af en hulle vat sowat 2 400 jaar om om mekaar te wentel.[7]

Verskeie ander sterre is naby Rho Ophiuchi AB geleë. HD 147932 is sowat 2,5 boogminute van daar (minstens 17 000 AE) en is bekend as Rho Ophiuchi C.[6] HD 147888 is 2,82 boogminute weg (minstens 19 000 AE) en is bekend as Rho Ophiuchi DE.[6] Sterre C en D is albei B-tipe hoofreekssterre,[6] en D is self ’n dubbelster met ’n wentelperiode van sowat 680 jaar.[7]

Wolkkompleks[wysig | wysig bron]

Rho Ophiuchi verleen sy naam aan die Rho Ophiuchi-wolkkompleks. Dit is die newel van gas en stof waarin die Rho Ophiuchi-stelsel lê. Dit is een van die maklikste stervormingsgebiede om waar te neem, want dit is een van die naastes en is van albei halfronde sigbaar.[8]

Die interstellêre verdowwing (AV) van Rho Ophiuchi word gemeet as 1,45 magnitudes, wat beteken die gas en stof voor Rho Ophiuchi obsorbeer lig van die stelsel en laat dit 1,45 magnitudes dowwer lyk as wat dit behoort te wees.[9] Bowendien versprei die gas en stof lig van ’n hoër frekwensie, en dus lyk die lig rooier.

Verwysings[wysig | wysig bron]

  1. (1988) “Michigan Catalogue of Two-dimensional Spectral Types for the HD Stars. Volume 4, Declinations −26°.0 to −12°.0”. Michigan Catalogue of Two-dimensional Spectral Types for the HD Stars. Volume 4.
  2. 2,0 2,1 2,2 van Leeuwen, F. (2007). “Validation of the new Hipparcos reduction”. Astronomy and Astrophysics 474 (2): 653–664. doi:10.1051/0004-6361:20078357.
  3. 3,0 3,1 (2002) “VizieR Online Data Catalog: Catalogue of Stellar Photometry in Johnson's 11-color system” 2237.
  4. 4,0 4,1 Nicolet, B. (1964). “Catalogue of homogeneous data in the UBV photoelectric photometric system”. Astronomy and Astrophysics, Supplement Series 34: 1–49.
  5. (2003) “The total-to-selective extinction ratio determined from near IR photometry of OB stars”. Astronomische Nachrichten 324 (3): 219. doi:10.1002/asna.200310081.
  6. 6,0 6,1 6,2 6,3 6,4 6,5 (2013) “Cordiner, M.A., Fossey, S.J., Smith, A.M. en Sarre, P.J. 2013, ApJ, 764, L10”. The Astrophysical Journal Letters 764: L10. doi:10.1088/2041-8205/764/1/L10.
  7. 7,0 7,1 Novaković, B. (2007). “Orbits of Five Visual Binary Stars”. Baltic Astronomy 16: 435–442.
  8. (2008) “Star Formation in the ρ Ophiuchi Molecular Cloud”. Handbook of Star Forming Regions.
  9. (2002) “The mass ratio distribution of B-type visual binaries in the Sco OB2 association”. Astronomy and Astrophysics 382: 92–103. doi:10.1051/0004-6361:20011542.

Eksterne skakels[wysig | wysig bron]