Messier 4

in Wikipedia, die vrye ensiklopedie
Messier 4
Messier 4 soos deur die Hubble-ruimteteleskoop afgeneem. (Bron: Nasa/STScI/WikiSky)
Messier 4 soos deur die Hubble-ruimteteleskoop afgeneem. (Bron: Nasa/STScI/WikiSky)
Soort stelsel Bolswerm
Sterrebeeld Skerpioen
Waarnemingsdata (Epog J2000)
Regte klimming 16h 23m35,22s
Deklinasie -26º 31' 32,7"
Skynmagnitude 7
Besonderhede
Afstand (ligjaar) 7 200
Skynbare grootte  26 boogminute
Ander name M4, NGC 6121
Portaal  Portaalicoon   Sterrekunde

Messier 4 of M4 (ook bekend as NGC 6121) is ’n bolvormige sterreswerm in die sterrebeeld Skerpioen. Dit is in 1746 deur Philippe Loys de Chéseaux ontdek en in 1764 deur Charles Messier in sy katalogus opgeneem. Dit was die eerste bolswerm waarvan die individuele sterre ontleed is.

M4 kan in selfs die kleinste teleskope gesien word as ’n dynserige bol lig. Dis is in die lug omtrent dieselfde grootte as die maan. Dit is een van die maklikste bolswerms om te vind; dit is net 1,3 grade wes van die helder ster Antares geleë. Met ’n teleskoop van gemiddelde grootte sal die individuele sterre onderskei kan word, waarvan die helderste een ’n oënskynlike magnitude van 10,8 het.

Die swerm is sowat 75 ligjare breed en het ’n "balk"-struktuur deur sy kern. Dit het minstens 43 veranderlike sterre. M4 is sowat 7 200 ligjare van die Aarde af en is sowat 12,2 miljard jaar oud.[1]

Foto's wat in 1995 deur die Hubble-ruimteteleskoop geneem is, het witdwerge in die swerm onthul wat van die oudstes in die Melkweg is, sowat 13 miljard jaar. Een van hulle is ’n dubbelster met ’n pulsar-metgesel, PSR B1620-26, asook ’n planeet met ’n massa 2,5 keer dié van Jupiter.

Verwysings[wysig | wysig bron]

  1. Caputo, F.; Castellani, V.; Quarta, M.L. (1985). "Reddening, distance modulus and age of the globular cluster NGC 6121 (M4) from the properties of RR Lyrae variables". Astronomy and Astrophysics. 143 (1): 8–12. Bibcode:1985A&A...143....8C. {{cite journal}}: Onbekende parameter |month= geïgnoreer (hulp)AS1-onderhoud: meer as een naam (link)

Eksterne skakels[wysig | wysig bron]

Koördinate: Sky map 16h 23m 35.41s, −26° 31′ 31.9″