Ringfort
,_Co_Roscommon,_Ireland.jpg)
Ringforte is ronde, versterkte nedersettings wat hoofsaaklik van die Bronstydperk tot omstreeks 1000 n.C. gebou is. Hulle word in Noord-Europa aangetref, veral in Ierland. Daar is ook baie in Suid-Wallis en Cornwallis, waar hulle rounds genoem word.[1] Daar was baie groottes ringforte, en hulle kon van klip of grond gebou gewees het. In die meeste was minstens een gebou.
Verspreiding[wysig | wysig bron]
Ierland[wysig | wysig bron]
In Ierland was dit onder verskeie name bekend. Daar is meer as 40 000 terreine wat as ringforte geïdentifiseer is en daar was vermoedelik minstens 50 000 op die eiland,[2] met 'n digtheid van minstens een elke 2 km. Baie is waarskynlik deur landboupraktyke en verstedeliking verwoes. Baie is egter ontdek danksy vroeë opnamekaarte, lugfotografie en die argeologiese werk wat met padbouwerk gepaard gaan.
Engeland en Wallis[wysig | wysig bron]
In Cornwallis,[1] dele van Devon en Suid-Wallis deel omsirkelde nedersettings baie eienskappe met hulle Ierse eweknieë.[3]
Skandinawië[wysig | wysig bron]
In Skandinawië is ook baie ringforte – op die eiland Öland in Swede alleen is daar 19. Dié forte moenie verwar word met Wiking-ringforte nie, waarvan sewe in Denemarke en Suid-Swede bekend is. Hulle dateer almal van omstreeks 980 n.C. Die Wiking-forte het almal 'n eenderse ontwerp en is vermoedelik binne 'n baie kort tydperk gebou, tydens die bewind van Harald Bloutand, maar om onbekende militêre redes. Hulle kon gedien het as opleidingskampe vir Sven Vurkbaard se soldate voor sy inval in Engeland in 1013.[4]
Verwysings[wysig | wysig bron]
- ↑ 1,0 1,1 "Flying Past - The Historic Environment of Cornwall: Enclosed Settlements". www.historic-cornwall.org.uk. Besoek op 2 April 2018.
- ↑ New History, 550
- ↑ Castles in the Medieval Landscape, OH Creighton & JP Freeman
- ↑ Marszal, Andrew. "Viking 'ring fortress' discovered in Denmark", The Telegraph, 6 September 2014 Besoek op 18 Mei 2017.
Skakels[wysig | wysig bron]
Wikimedia Commons het meer media in die kategorie Ringfort.
Hierdie artikel is in sy geheel of gedeeltelik uit die Engelse Wikipedia vertaal.
